تداول مستخدمي مواقع السوشيال ميديا، قبل ساعات منشور لأحد الأشخاص يتحدث فيه عن اللحم الذي يستخدم في ساندوتشات الشاورما، وهو ما أثار الذعر بين محبي الشاورما.
وقال في المنشور: “كنت قاعد قعدة شعبي كده مع شوية أصدقاء وجت سيرة أكل الشارع شوية ومرَّ علينا الواد بتاع الطلبات فواحد منا سأله انتو ماعندكوش أكل ؟ كلها مشروبات كده؟.. رد والله ياباشا المعلم مانع نبيع أكل خالص! ليه يابني بس؟.. والله له حق ياباشا سعادتك تعرف ساندوتشات الشاورما اللي بتقعدوا تاكلوا فيها دي وبتدفعوا فيها شئ وشويات بتتعمل إزاي؟ لأ ما اعرفش”.
وتابع: “ياباشا في محلات بتشتري كوز اللحمة الخام بتاع الشاورما من واحد مشهور أوي فاتح معمل لحمه لامؤاخذة كدا تحت بير السلم إسمه توابل انت عارف ليه سمُّوه توابل؟ عشان بيبيع كوز الشاورما دا كله توابل مافيش فيه حتة لحمة واحدة !! يابني إزاي بس ؟! أمال اللحمه اللي بنشوفها ف الساندوتش دي إيه ؟! سقطة جزارة ياباشا !! يعني إيه سقطة جزارة.”.
وأضاف: “يعني بواقي تقطيع الدبايح علي حبة شَغَت وكيس بودرة لون أحمر مع كيس التوابل بتاع عمك الحاج توابل وكان الله بالسر عليم وفي محلات بتشتري كوز الشاورما وتبيعه بأقل سعر”.
