انتشرت عدد من الصور للبلوجر سلمى عبد العزيز مع التيكتوكر علاء خطيب البلوجر كاميليا سابقًا، والتي علق عليها رواد السوشيال ميديا عن ارتباط كلا منهما وخيانة سلمى صديقتها كاميليا، لتنشب حالة من الجدل والهجوم الكبير على البلوجر سلمى، التي اُتهمت بخطافة الرجالة.
لتتصدر بعدها البلوجر سلمى عبد العزيز والبلوجر كاميليا تريند فيسبوك، ويصبحوا حديث السوشيال ميديا خلال الساعات الأخيرة، لتنقسم التعليقات إلى هجوم شديد ولاذع على البلوجر سلمى ومساندة كاميليا، أو دعم للبلوجر سلمى مبررين أن كاميليا انفصلت عن خطيبها منذ 9 أشهر.
لترد كلا من كاميليا وسلمى على حسابتهم الشخصية على الجدل المنتشر بسببهم على مواقع التواصل الاجتماعي، لتكتب سلمى ردًا على الانتقادات والهجوم الشديد التي واجهته على حسابها الشخصي انستجرام: خلصتوا خلاص ولا لسه..خلصتوا تخريب في شكي وسمعتي اللي كل ما تبقى كويسة تخربوها، أنا مش مسامحة كل واحد اتكلم عليا كلمة مش على حق، أنا من يوم ماطلعت على السوشيال ميديا،
وتابعت: لا عمري أذيت حد ولا جيت جنب حد، ولا طلعت تريند بالشكل ده، والتريندات اللي طلعتها كانت متعلقة بيا ما فكرت انتحر ولما طلعت قولت أني معمولي عمل، أنا لو قلت إني كويسة هل هتصدقوا ده؟..لا طبعا وده أنا متقبلاه من يوم ماطلعت على السوشيال ميديا، وأنا مش هرد الإساءة وربنا هيجبلي حقي.
ونشرت كاميليا فديدو قالت فيه: حابة أوضح حاجة مهمة، وديه هتبقى أول مرة اتكلم في المووضع ده، أنا انفصلت عن خطيبي في شهر يناير، يعني من حوالي 9 أشهر، وعلاقتنا انتهت، وأنا اللي طلبت الانفصال وعلاقتنا انتهت بكل احترام، وماشوفتش منه غير كل احترام، طبيعي كل واحد بعد الانفصال يعيش حياته بالطريقة اللي هو عايزه.
وأضافت: كون إن الحد ده كانت صاحبتي أنا عارفة إن ناس كتير ممكن ماتقلبش الكلام ده، بس هو نصيب، وما فيش واحدة بتخطف واحد من واحدة علشان احنا مش صغيرين احنا كبار، وكل واحد عارف بيعمل ايه، في تفاصيل كتير مش حابة اتكلم فيها لأن محدش ليه حق يعرفها، وعلاقتي انتهت بالاتنين خلاص، وكفاية لحد كده كلام في الموضوع، وخوض في الأعراض، وياريت ننهي الموضوع.
مقالات أخرى قد تهمك
ارتباط سلمى بخطيب صديقتها كاميليا السابق يثير ضجة.. ما القصة؟
