ممرضة مصرية اتحولت لمليونيره في يوم وليله، وجدت في حسابها 2 مليون جنيه يوم القبض:لن تتخيل ما فعلته بالفلوس.
تخيل تيجي تقبض مرتبك تلاقي في رصيدك 2 مليون جنيه! طبعا كأنك فتحت مغارة علي بابا بالظبط، و ده مش بيحصل في الأحلام وبس، ده حصل فعلا مع سيدة من أبناء محافظة دمياط، مش هتصدق عملت إيه بالفلوس وإزاي اتصرفت في الموقف ده
خليك معانا في التقرير التالي، ده وانت تعرف إيه اللي حصل وإزاي تتصرف لو حصلك موقف مشابهه وصحيت الصبح لقيت رصيدك بالملايين؟
بتقبض كام من شغلك؟، طيب تخيل كدة تيجي تقبض مرتبك تلاقي شركتك بعتالك في حسابك مليون جنيه بالغلط هتتصرف وقتها إزاي ؟
مهو زي ما المثل بيقولك قيراط حظ ولا فدان شطارة، وده اللي حصل مع ياسمين عبد المحسن محمد جمعة واللي بتشتغل ممرضة بالوحدة الصحية في قرية البدراوي مركز كفر سعد دمياط التابعة للإدارة الصحية بكفر سعد.
واللي جت تقبض مرتبها من ماكينة السحب الألى واتفاجئت وهي بتصرف إن رضيدها زاد بقيمة مبلغ وقدرة مليون وتسعمائة وخمسون ألف جنيه تقريبًا ده غير مبلغ مرتبها في حسابها الشخصى.
وضربت بنت دمياط مثالا للشرف والأمانة، وده بعد ما رجعت مبلغ 2 مليون جنيه لـ جهة عملها، بعد ما اتفاجئت بيها لما جت تصرف مرتبها من ماكينة الصراف الآلى.
وعلطول بلغت ياسمين المسئولين بالإدارة الصحية والحسابات وراحت مع المحامي بتاعها أحمد عيد عبد الكريم وعملت محضر في مباحث الأموال العامة.
وفورا اتحرر محضر بالواقعة قدام رئيس مباحث الأموال العامة بمديرية أمن دمياط، ورئيس مباحث كفر سعد، واللي اتعمل بـ رقم 885 لسنة 2023 إدارى كفر سعد.
وعلطول اتعرض المحضر على النيابة العامة بكفر سعد عشان تعمل الازم، ووقتها سلمت ياسمين الفيزا بتاعتها وكل الأوراق الخاصة بالحساب بتاعها وده عشان ترجع الفلوس للجهة المختصة بيها.
وفي تصريحات لـ ياسمين قالت إنها اتفاجئت بوجود المبلغ الكبير ده في حسابها وهي بتصرف مرتبها الشهري.
وقالت أنا معرفتش أقراه من كبره وحسيت بحالة من الصدمة والذهول، وعلطول رحت للمحامي الخاص بيا عشان يعمل الجراءات اللازمة ويرجع الفلوس دي لأصحابها.
ولما اتسألت عن السبب اللي خلاها تتصرف باشكل ده قالت ياسمين، إنها بترفض تدخل أي فلوس حرام على ولادها وإن أكيد الفلوس دي بتاعت الدولة ولازم ترجع تاني.
قالت كمان أولادى هما ثروتي الحقيقية عندي 3 أولاد إحداهما في كلية الصيدلة والآخر ثانوية عامة والثالث 3 إعدادى، واستثماري الحقيقي في أولادي.
وانا لما فكرت كويس ودورت ولا الموضوع حسيت إن الفلوس دي فلوس الدولة ولازم ترجع تاني”.
طيب تعمل إيه في حالة لو حصلك زي ما حصل لياسمين بالغلط ؟ في الأول لازم تعرف إن الخطأ ده ممكن يحصل مع أي شخص، ولو ده حصل معاك ولقيت فلوس في حسابك من شخص مجهول
لازم تتصل بالبنك فورا وتبلغهم باللي حصل، وهما هيقولولك لو تمت هذه التحويلات من جهات مسؤلة وأشخاص مجهولين. وطبعا لازم تبلغ الشرطة والبنك عشان تتجنب تهمة التورط في غسيل الأموال وده لأنك ممكن تستغل من عصابات بتعمل ده
وخلي بالك كل التحويلات مراقبة من الدولة وعشان كدة لازم لو ده حصلك ومبلغتش هتتعرض للمسائله القانونية. دلوقتي قولنا لو انت كنت مكان ياسمين كنت اتصرفت إزاي؟.. وهل شايف إنها اتصرفت صح لما رجعت الفلوس؟
