إن كنت تبحث عن زيرو موفرة في البنزين وأيضا هاتش باك وصغيره في الحجم وفي نفس الوقت امكانيتها كبيرة وأهم حاجة إن سعرها يكون مناسب، تابعنا من خلال التقرير لتعرف أرخص 5 خمس يارات في مصر.
كلنا عرفين إن أسعار العربيات في مصر بقت نار وده لأنها زادت بشكل مضاعف خلال الفترة من مارس 2022 ولحد دلوقتي.
وطبعا الزيادات دي غيرت خريطة اسعار العربيات في مصر خالص وتقريبا مبقاش حد يعرف يجاوبك على سعر أي موديل لكل الماركات الموجودة في السوق المصري وخاصة فئة الهاتشباك واللي المفروض إنها فئة حنينه وأسعارها زمان كانت معروفة.
وطبعا كتير من الشباب والبنات بيدوروا على العربيات الهاتشباك وده لأن سواقتها أسهل وصغيره في الحجم وبتسلك في الطرق الزحمة وكمان موفرة في البنزين.
دول بقا هما أرخص 5 عربيات هاتش باك في مصر السنة دي:
أول عربية معانا في سوزوكي إسبريسو ودي سعرها حوالي 300 ألف جنيه.
وبتعتمد سوزوكي إسبريسو على سواعد محرك بنزين صغير ثلاثي الاسطوانات وبقوة 67 حصان عند 5500 لفة في الدقيقة، وخزان وقود سعة 27 لترًا،
مش بس كدة دي العربية دي كمان بتتوفر في السوق المحلي بناقل حركة مانيوال من 5 سرعات، وتقدر تنطلق من الثبات ولحد 100 كم في 14.3 ثانية بس أما سرعتها القصوى بتوصل لـ 150 كم/س.
أما تاني عربية معانا هي سوزوكي سيليريو واللي هتلاقيها موديل 2022 الفئة الأولى مانيوال بسعر 330 ألف جنيه، والفئة الثانية مانيوال بسعر 340 ألف جنيه، والفئة الثالثة مانيوال بسعر 350 ألف جنيه، والفئة الرابعة أوتوماتيك بسعر 400 ألف جنيه.
وتعتمد سوزوكي سيليريو على محرك بنزين، 3 سلندر، سعة 1000 سي سي، بقوة 66 حصان ، وبتوصل بناقل حركة مانيوال 5 سرعات، أو ناقل حركة أوتوماتيكي، وخزان وقود سعة 32 لتر.
عندك كمان بقى سويفت موديل 2022 الفئة الأولى وسعرها 440 ألف جنيه، والفئة الثانية بسعر 460 ألف جنيه، والفئة الثالثة بسعر 460 ألف جنيه، والفئة الرابعة بسعر 480 ألف جنيه.
وسوزوكي سويفت دي بقا هتلاقيها بمحرك 4 سلندر سعة 1200 سي سي بقوة 82 حصان، الجميل بقى إنها أوتوماتيك من 4 نقلات، وبتقدر تمشي بسرعه من الثبات ولحد 100 كم /س في 13.5 ثانية بس وده قبل ما تةوصل لسرعة قصوى 165 كم /س.
عندك بقا عربية جميلة جدا وهي ميتسوبيشي ميراج وسعرها الرسمي 445 ألف جنيه.وبتعتمد ميتسوبيشي ميراج على محرك مايفيك 3 سلندر، سعة 1200 سي سي، بقوة 78 حصان عند 6000 دورة في الدقيقة، وبتوصل بناقل حركة أوتوماتيكي CVT، وخزان وقود سعة 35 لتر.
الجميل بقا في العربية دي هي وسائل أمان ميتسوبيشي ميراج وده لأن فيها 2 وسادة هوائية للسائق والراكب الأمامي، ونظام فرامل مانعة للانغلاق ABS، ونظام توزيع قوة الفرامل إلكترونيًا EBD، ونظام دعم الفرامل BAS، ونظام التحكم النشط بالثبات ASC.
أما بقا المفاجأة الأخيرة معانا هي عربية رينو سانديرو ودي بتنزل بفئة واحيدة اسمها “ديناميك” بسعر 565 ألف جنيه.
الجميل إن سانديرو الموتور بتاعها 4 سلندر سعة 1600 سي سي بقوة 110 حصان وعزم 148 نيوتن.متر عند 3750 دورة في الدقيقة كمان ناقل حركة أتوماتيك 4 سرعات ودفع أمامي للعجلات.
دلوقتي قولنا لو معاك قرشين وحابب تجيب عربية هتشتري أنهي واحدة في دول؟
