قلق كبير من المواطنين لعد الارتفاع الكبير في سعر الزيت، فهل تتدخل الحكومةوتحل الأزمة وما هي الاسعار التي وصلت لها أنواع الزيوت المختلفة هذا ما سنتعرف عليه من خلال التقرير التالي:
يعني مثلا عندك شركه كريستال رفعت اسعارها للمره التانية الشهر ده.ومش بس كريستال اللي رفعت الأسعار عندك شركات تانية زي حلوة وعافية وروابي كمان
ودلوقتي ارتفع سعر زيت كريستال 800 جرام الأكثر شهرة إلى 70 جنيه، ووزن 750 جرام ب 66 جنيه.وسعر زيت ذرة كريستال وزن 1.6 لتر ب135 جينه وسعر زيت ذرة كريستال وزن 2.200 لتر من مستوى 150 ب 185 جنيه.
وسعر سمن كريستال أبيض وزن 350 جرام ب 22.5 جنيه، والعلبة وزن 750 جراما من مستوى ب 52 جنيه، والعلبة 1.5 كيلو جرام ب100 جنيه.
أما العلبة 2.5 كيلو جرام فسعرها أصبح مستوى 152 جنيه، وسعر سمن كريستال أبيض وزن 11 كيلو من مستوى 495 جنيه إلى مستوى 665 جنيه، يعني زيادة حوالي 270 جنيه.
كمان ارتفع سعر زيت عافية وسمنة روابي وزيت حلوة وسمنة بنت البلد وزيت هنادي وسمنة جنة بنسب متفاوتة.وسجل سعر زيت عافية ذرة 800 جرام 70 جنيه، وزيت سلايت 750 ب 50 جنيه.
وارتفع سعر سمنة روابي وسعر سمنة جنة وزن 1.5 كيلو جرام من 80 جنيه إلى 100 جنيه، ووزن 2.5 كيلو من 125 جنيه إلى 152 جنيه.
والأهم بقى من الأسعار، الإجابة على سؤال مهم : السلعة موجودة اصلا ولا لأ؟شفنا في الاسابيع الأخيرة بوستات متداولة على الفيسبوك لصور من جوة المولات الكبيرة مكتوب عليها أن كل زبون من حقه ياخد ازازة زيت أو اتنين بالكتير.
لكن حازم المنوفي رئيس شعبة المواد الغذائية بغرفة اسكندرية التجارية ، أكد أن الجهات الحكومية وعلى رأسها التموين وجهاز حماية المستهلك مراقبين السوق كويس جدا لزيادة المعروض ومنع الاحتكار وكل السلع متوفرة للمواطنين.
بس خلي بالك ده ميمنعش زيادة الأسعار من وجهة نظر المنوفي، لأن سببها مش نقص السلع لأ، الأزمة الحقيقية في ارتفاع الدولار.
وفي الوقت نفسه وزارة التموين أطلقت معارض اهلا رمضان قبل الموسم ب3 شهور وبتخفيضات توصل الى 30% على مستوى الجمهورية.
والفكرة هنا ان السلعة بتيجي من المثنع للمعرض علطول وكمان النقل على الحكومة، يعني مبتعديش من تاجر للتاني وبالتالي سعرها هيبقى أقل.
فهل جربتوا تشتروا من المعارض دي، والفرق بينها وبين أسعار برة قد إيه؟ وهل موجودة في كل السلع اللي عاوزينها؟
