إن كنت تريد ان تكسب 10,000 جنيه واكثر من ذلك في السنة، بدون ان تفعل أي شئ، بنك مصر اعلن عن مفاجأته، وأي شخص سواء من المعاشات او غيره، سيستفيد بعائد أعلى على الحسابات، لذلك فإن رفع أسعار الفائدة قد يكون من مصلحة المواطن في بعض الأحيان.
زي ماعارفين ان في حاجات كتير هتتغير في البنوك، بعد ما البنك المركزي رفع سعر الفايدة 3% على الايداع والاقراض، ومن الطبيعي ان البنوك المصرية هي كمان هترفع سعر الفايدة على خدماتها.
وده اللي مستنية الناس، اللي بتهتم انها تستثمر فلوسها في شهادات الادخار، ومستنين ان العائد يوصل لأعلى نسبة عشان يحققوا أعلى مكسب
عشان كدا بنك مصر قرر انه يرفع سعر العائد هو كمان 3% على الحسابات الجارية لأصحاب المعاشات، وبكدا تكون نسبة العائد وصلت لـ 11% بدل ما كانت 8%، وخلت الحد الادنى لفتح الحساب 1000 جنيه.
وكمان رفعت العائد على الحساب الجاري اللي عائده يومي برضو بنسبة 3%، وبكدا يكون وصل اقل عائد على الحسابات دي لـ 10%، واعلى عائد وصل لـ 12.125%.
طب امتى يبقى العائد قليل وامتى يبقى كبير؟لو فتحت الحساب بمبلغ من 50 الف لـ 100 الف جنيه، العائد السنوي هيبقى 10%، لكن لو فتحته باكتر من 100 الف لـ 500 الف جنيه العائد السنوي هيبقى 10.25%، والفايدة هتوصل لـ 10.5% لو فتحته بأقل من مليون جنيه.
والحسابات اللي مفتوحة بمبلغ من مليون جنيه لـ اقل من 2 مليون، سعر الفايدة زادت عليها ووصلت لـ 11% بدل ما كانت 8 % بس.
والفايدة الاعلى شوية، للطبقات الاجتماعية الاعلى اللي هتفتح الحساب ب2 مليون واكتر لغاية 10 مليون جنيه، وهتستفيد بفايدة سنوية 11.25% واعلى فايدة هي اللي قولنا عليها 12.125% سنويا، لو الحساب اتفتح بـ100 مليون جنيه او اكتر.
يعني لو فتحت الحساب مثلا بـ 100.000 جنيه هتاخد عائد 10.000 جنيه في السنة، ومش دول بس اللي زادت نسبة الفايدة عليهم، كمان بنك مصر والبنك الاهلي رفعوا سعر الفايدة 3% على الشهادات الثلاثية متغيرة العائد، ودي لان العائد بتاعها بيتغير كل فترة وبيقل او بيزيد حسب سعر الفايدة في البنك المركزي المصري
وحسب كلام مصادر من جوا البنوك، وتوقعات الخبراء، ان في خلال الفترة الجاية في بنوك كبار، هتطرح شهادات إدخار ثلاثية وخماسية بأعلى عائد ممكن تستفيد بيه، وفي الغالب هيوصل لـ 20% أو اكتر، لكن هتفضل، لغاية ما تحقق هدفها، وبعد كدا هيوقفوا طرحها
لكن لسه الشهادات دي متطرحتش بشكل رسمي، وده لان لسه لجان الاصول والخصوم في البنوك، بتتناقش في فكرة رفع سعر الفايدة على الخدمات البنكية في 38 بنك جوا مصر، وايه آثارها قدام على الناس سواء على الادخار او الاقتراض، تنفيذا لتوجيهات البنك المركزي
بس الاهم انك كل يوم هتسمع اخبار جديدة من البنوك انهم رفعوا الفائدة على شهادات الادخار، او يطرحوا شهادات بعوائد أعلى، وفي النهاية كدا كدا انت الكسبان، وبتستثمر فلوسك في مكان آمان وانت في مكانك.
