ما حكاية الريال الذي يباع بمليون جنيه؟ والجنيه الذي يباع ب 200 الف؟ والشلن الذي يباع ب 45الف؟ ومن يشتريهم؟لو معك اي عملة قديمةولا تعرف كيف تتصرف بها تابعنا لمعرفة التفاصيل:
هترجع اكتر من 100 سنة لما تشوف شكل فلوس زمان باحجامها والوانها اللي بترسم شكل الزمن اللي كانت موجودة فيه.
لكن تعرف ان الفلوس دي بتتباع دلوقتي بارقام خيالية بتوصل لمليون جنيه وفي ناس كتير بتشتريها
وده اللي اكدوا محمد حربي تاجر للعملات القديمة في تصريحاته للمصري اليوم، وأن عملات الملك فاروق تحديدا مطلوب للشرا في السوق بتاعنا
وقال ان سعر كل عملة بيتحدد حسب انها منتشرة ولا لا وكمان على حسب حالتها.
كمان قال ان العملات الورقية اغلى من المعدنية و ده لأنها مش موجوده كتير في السوق، وده بسبب انها بتبوظ بسرعة جدا عكس العملات الفضية.
طيب يا ترا أسعار العملات دي كام؟
محمد الحربي قال ان أسعار العملات دي بتوصل لـ 100 ألف جنيه واكتر.وده بيتحدد حسب توقيع محافظ البنك اللي كان موجود وقت اصدار العملة دي وكمان حسب تاريخها
مش بس كده ده قال ان الشلن بيتباع بـ 40 و45الف جنيه اه والله ب45 الف جنيه، لكن مش اي شلن ده الشلن الورق اللي مكتوب عليه الدولة المصرية في عهد الملك فاروق.
طيب لو معايا شلن قديم في عهد السادات و عبد الناصر ممكن ابيعه بكام؟الحربي رد وقال ان الشلن ده و اللي مكتوب عليه جمهورية مصر العربية ملوش اي قيمة في سوق العملات القديمة.
وبالنسبة للبريزة و باقي العملات بتتباع بكام؟بص يا سيدي بالنسبة للبريزة الورق لو مكتوب عليها كلمة الدولة المصرية فهي بتتباع ب 40 الف جنيه.
من أين اشتري العملات القديمة ؟
محمد حربي كمل تصريحاته في المصري اليوم و قال ان في اماكن كتيرة جدا متخصصة في بيع و شراء العملات دي، زي شارع الألفي و عماد الدين و خان الخليلي ودول في القاهرة.
أما في اسكندرية هتلاقيهم في شارع خالد ابن الوليد في ميامي و في ميدان الساعة و في محطة الرمل كمان هتلاقيهم في سوق الجمعة.
لكن مش كل العملات القديمة اسعارها بتوصل للأرقام دي وده اللي قاله محمد احمد تاجر عملات قديمة في تصريحاته للوطن.
محمد قال ان اسعار العملات القديمة بتتحدد حسب حالتها واذا كان فيها اي تلف ولالا، يعني مثلا الربع جنيه اللي كان موجود في فترةالاربعينات ده بيتباع من 200 ل 2000 جنيه حسب حالته.
اما الـ 5 جنيه إنتاج سنة 1945 فسعرها 500جنيه و الربع جنيه الازرق ده بيتباع ب 150 و 200 جنيه.بس قال كمان ان الاسعار دي للمصريين بس لكن في السوق الاجنبي بتتحدد قيمتها بالدولار وبتتباع باضعاف تمنها.
وخد بقي المفاجأة دي انت عارف ان سعر العملات دي بتوصل لمليون جنيه، حسب اللي نشره موقع صدى البلد لأسعار العملات القديمة.يعني عندك مثلا ريال السلطان فؤاد سعره وصل إلى مليون جنيه، وده لأنه نادر جدا في السوق
و ال 5 مليم ب 20 الف جنيه.
والجنيه ابو جملين ب 200 الف جنيه ده كمان الشلن سعره بين 40و 45 الف جنيه وال 50 قرش ب 5 الف جنيه.
دلوقتي قولنا لو معاك عملة قديمة هتبيعها ولا هتحتفظ بيها؟
