المصريين هذه الفترة يعانوا من موجة تضخم وارتفاع في الأسعار، لذلك تجد الكثير منهم يبحث عن وسيلة بيحاولوا يدوروا للادخار تضمن إن فلوسهم قيمتها لا تقل وكمان تكون آمنة.
وعشان مفيش اضمن من شهادات الادخار دلوقتي واللي هتضمنلك انك تحوش فلوسك وكمان تحقق أرباح مضمونة، خليك معانا فى الفيديو ده وإحنا نقولك أفضل شهادات استثمار موجودة في السوق:
شهادات كتيرة موجودة في السوق المصري حاليا بس احنا هنقولك عن أفضل ما فيهم عشان تقدر تستثمر فلوسك في شهادة مضمونة .
عندك في البداية شهادات بنك ناصر الاجتماعي بأسعار فايدة عالية بتوصل لـ 22% وطبعا الفايدة بتختلف حسب آجال كل شهادة ودورية صرف العائد.
والبنك بيقدم شهادة ثلاثية تراكمية للأفراد وسعر الفائدة بتكون 22% وبتقدر تصرف العائد في نهاية المدة.كمان في شهادة السنة ونص ودي بردو بتكون للأفراد ونسبة الفائدة عليها بتكون 20% وبيصرف العائد عند الاستحقاق.
أما الشهادة الثلاثية فدي اسمها رد الجميل وبتكون لكبار السن من 60 فيما فوق: وسعر الفائدة بيكون 17.75% وبيصرف العائد بتاعها بشكل شهري، و19.25% يصرف سنوي وتقدر تشتري الشهادات دي من أول ألف جنيه.طيب تفتكروا ممكن شهادة الـ 18% أو 25% تنزل تاني؟
لحد دلوقتي البنك الأهلي أو بنك مصر مأعلنوش عن تجديد شهادة الـ 18%، ولا شهادة الـ 25% واللي تم طرحها مؤخرا من قبل البنكين.
لكن متزعلوش وده لان البنك الأهلي الكويتي والبنك العربي، طرحوا شهادة مرتفعة العائد بفائدة 18% وبكدة شهادة الـ 18% رجعت تاني بس في بنوك مختلفة.
وقال البنك الأهلي الكويتي مصر أنه طرح شهادة ادخار ثلاثية جديدة بسعر فائدة سنوي يوصل ل 18.25%، وده يعتبر أعلى عائد مقدم لديه على الشهادات.كمان البنك العربي هو كمان الايام اللي فاتت أعلن عن طرح وثيقة ادخار «الشهادة الثلاثية» بفائدة 18%.
ولو بتدور على شهادات استثمار بفوايد مختلفة، عندك الشهادة الثلاثية اللي طرحها بنك القاهرة اسمها بريمو جولد
الفائدة بتاعتها بتكون 16% سنويا وبتقدر تصرف العائد كل شهر، و16.25% سنويا وتقدر تصرف العائد كل ربع سنة، وفايدة 17.25% وتقدر تصرف العائد سنوياً.
الجميل بقا ان الحد الأدنى لشراء الشهادة دي بيبدأ من أول 10 آلاف جنيه وبعدين مضاعفات الألف جنيه.
أما لو انت مستثمر ومعاك فلوس وحابب تشتري شهادة عندك شهادة أجل 3 سنوات اسمها (Premium) من البنك التجاري الدولي CIB مصر: ودي سعر الفايدة فيها بيوصل لـ17% وبتقدر تصرف العائد شهريا، أو 18% وتصرف العائد سنويا بشرط أنه ما يقلش الحد الأدنى للشراء عن مليون جنيه..
كمان شهادة ادخار ثلاثية في بنك أبو ظبي الأول مصر: والشهادة دي بتكون آجال 3 سنوات بسعر فايدة سنوي 18% وتقدر تصرف العائد شهري بشرط أنه مايقلش الحد الأدنى لشرائها عن 2.5 مليون جنيه.
وفي كمان شهادة QNB الثلاثية ، ودي بتتراوح نسبة الفايدة بتاعتها ما بين 16% سنويا بدورية صرف شهرية للعائد، و16.25% بدورية صرف للعائد ربع سنوية، و17.25% بدورية سنوية لصرف العائد.
ولو عايز شهادة حنينة في الفلوس عندك بقا الشهادة الثلاثية في المصرف المتحد ودي الفائدة بتاعتها بتكون ما بين 16.25% سنويا وبتكون دورية صرف العائد شهرية، أو16.5% وهنا دورية صرف العائد بتكون ربع السنوية، أو17% وساعتها دورية صرف العائد السنوية، أو18% ودورية الصرف بتكون نهاية المدة ، وبيبدأ الحد الأدنى لشراء الشهادة دي من أول ألف جنيه.
في بقا الشهادة الثلاثية في بنك HSBC:وهنا بيكون سعر الفايدة سنوي وبيوصل لـ 16% وبتقدر تصرف العائد كل شهر
وفي كمان شهادة المصرف العربي الدولي وددي بتكون نسبة الفايدة بتاعتها ما بين 15% سنويا وبتقدر تصرف العائد كل شهر، و15.25% سنويا وتقدر تصرف العائد بشكل ربع سنوي الجميل إنك تقدر تشتريها من أول 5 آلاف جنيه كحد أدنى و مضاعفات الألف جنيه.
