لماذا ارتفع سعر البصل إلى 15 جنيه؟ وما سبب هذه الزيادة؟ ولماذا يرفض المزارعين زراعة البصل هذه الفترة؟ ومع اقتراب شهر رمضان كم سيسجل سعر كيلو البصل؟..تابعونا سنكشف التفااصيل والاجبة على كل التساؤلات من خلال التقرير التالي:
البصل المصري يعتبر من المحاصيل المشهورة عالميا، وده لأن مصر بتحتل المرتبة الثالثة أو الرابعة عالميا في تصديره، وبيمثل ليها مورد مهم جدا للعملة الأجنبية.لكن الفترة الأخيرة شوفنا أسعار البصل زادت بالتدريج من 7 جنيه لـ 10 جنيه لـ 12 ، و15 في بعض الأسواق المصرية.
طب يا ترى إيه سبب الزيادة دي ؟
حسب كلام الخبراء قالوا إن المشكلة هي إن كتير من المزارعين بطلوا يزرعوا محصول البصل وده لأنهم كانت بتواجههم مشاكل كتير في مستلزمات الأسمدة واللي هددت محصول مهم زي البصل خاصة وإن مصر بتصدره وكمان بتستخدمه في الاستهلاك المحلي.
الدكتور عبد المجيد مبروك أبو دهب رئيس قسم بحوث البصل بمعهد بحوث المحاصيل الحقلية، قال في تصريحات ليه إن الدولة بتحقق اكتفاء ذاتي من محصول البصل كل سنة وإن الإنتاج بيكفي الاستهلاك المحلي و ويفيض وبنقدر نصدر منه كمان للخارج.
وقال إن مصر بـ تصدر من محصول البصل حوالي نص مليون طن كل سن وذلك وده بيخلينا في المركز الثالث أو الرابع مع دولة الصين والهند والولايات المتحدة المتحدة الأمريكية.
وأكد كمان إن صادراتنا من البصل بتستفاد منها الدولة بشكل كويس؛ وده لأنها بتدخل العملة الصعبة لينا، و الموسم اللي فات صدرنا ضعف المحصول بالمقارنة من السنة اللي قبله.
طيب ليه المزارعين رافضين يزرعوا البصل؟
حسب تصريحات الدكتور عبد المجيد مبروك فـ المزارعين بعدوا تمام عن زراعة البصل؛ لأن السعر قل في الموسمين اللي فاتت وده حصل بسبب تذبذب أسعار البصل في الأسواق.
ورغم إن الدولة دخلت خمس أصناف جديدة السنة دي ووفرت التقاوي محليا لكن عشان أسعار البصل كانت غالية المزارعين فضلوا يزرعوا محاصيل ثانيه
وطبعا ارتفاع الأسعار اللي بنشوفه دلوقتي ده نتيجة طبيعية لامتناع المزارعين عن زراغة البصل وتفضيلهم لمحاصيل تانية زي القمح والفول الصويا ولكن كدولة قدرنا بردو نصدر حوالي 478 ألف طن بصل في 31 ديسمبر 2022.
وده نفس الكلام اللي أكده الدكتور جمال عبد ربه عميد كلية الزراعة جامعة الأزهر، لما قال في تصريحات ليه إن الأسعار زادت نتيجة ارتفاع مستلزمات الإنتاج وده لأن البصل بيحتاج للأسمدة واللي الدولة بتستوردها من الخارج وبتالي بيحتاج لعملة صعبة وعشان كده سعره بيزيد.
قال كمان أن أجور الأيدي العاملة زادت وبالتالي المستهلك هو اللي هيتحمل نتايج ارتفاع الاسعار، وده لأن مشكلة ارتفاع اسعار البصل في الأسواق الزراعية مش مشكلة مزارعين لكن مشكلة مستلزمات الإنتاج اللي بتعتمد على الاستيراد وطبعا تضاعف سعرها بعد زيادة سعر الدولار قدام الجنيه المصري.
غير كمان إن أي عملية شرائية بتكون قايمة على فكرة «العرض والطلب» وكل سوق ليه احتياجاته ولو في إقبال على سلعة معينة بيكون في تجار بيحتكروها و يستغلوا الموقف ويعطشوا السوق عشان يرفعوا سعرها بعدين.
دلوقتي قولولنا وجهة نظركم شايفين من المتسبب في رفع أسعار البصل في الأسواق المصرية؟
