تتفكروا من يتحكم في سعر الذهب في مصر ولماذا انخضت الأسعار هذه الأيام؟ والأهم ماذا سيحدث للأسعار الفترة القادمة وما هو افضل معاد للشراء؟
حسب تقرير نشره موقع سبوتنيك بالعربي فـ خلال الاسبوعين اللي فاتوا سجل سعر الدهب تراجع بحوالي 500 جنيه وده بعد موجه ارتفاعات شهدتها اسعار الدهب الفترة الأخيرة.
و وفقًا لـ موقع سبوتنيك بالعربي فـ وصل سعر جرام الدهب عيار 21 لـ 2360 جنيه وده بعدما كان 2800 جنيه قبل حوالي 15 يوم
والانخفاض ده جه بعد أيام من موافقة مجلس الوزراء المصري على إعفاء بعض واردات الذهب.
وبكده الواردة من الدهب عبر المنافذ الجمركية واللي هتكون بصحبة الركاب القادمين من خارج البلاد هتكون معفية من الضريبة الجمركية والرسوم التانيه لكن ما عدا الضريبة على القيمة المضافة، وذلك لمدة 6 شهور.
مش بس كده ده كمان القرار كان بيتضمن إعفاء واردات الذهب بأشكال نصف مشغولة، وكمان الحُلي والمجوهرات وأجزائها من معادن ثمينة
حتى لو كانت مغلفة بتكون معفية بردو من الضريبة الجمركية والرسوم الأخرى فيما عدا الضريبة على القيمة المضافة.
وده الاقتراح اللي سبق واعتبره مسؤول بوزارة التموين والتجارة الداخلية في مصر أنه هيساهم بقوة في استقرار السوق وإنه بيعتبر مفتاح لحل الأزمة الاقتصادية
والمسؤل حسب موقع سبوتنيك بالعربي أكد إن توفير الذهب في البلاد هيساعد بصورة كبيرة في توفير العملة الصعبة.
من يتحكم في أسعار الذهب؟
في الاول لازم تعرف إن الدهب بيعتبر الأصل المالي الأكثر شهرة وجاذبية في العالم، وبيتمتع بشعبية واسعة بين ملايين الأشخاص حول العالم.
وعشان كده خبراء الاقتصاد قالوا إنه في 3 قواعد هي اللي بتتحكم في أسعار الذهب،وإن القواعد دي يوميا بتساعد في تحديد الأسعار
وأول قاعدة فيهم هي عوامل العرض والطلب، وكمان سعر أوقية الذهب عالمياً، واخر قاعدة هي التغيرات اللي بتحصل في سعر العملة الأمريكية في مصر.
وده لأنه بيعتبر الدهب بشكل عام استثمار آمن خلال فترات تراجع الأسواق، وده لأنه ممكن يواجه الاقتصاد والأسواق تقلبات كتيرة ودي نتجة عدة عوامل، منها التغيرات في قيمة الدولار ومؤشرات العملات التانيه، والتغيرات في أسعار الفائدة، والسياسات النقدية اللي بيحددها البنك المركزي
وكمان المخاوف من التضخم أو ارتفاع معدلات التضخم، والتوترات التجارية والسياسية بين الدول
وعشان كده الناس بتلجأ للدهب كوسيلة للحفاظ على القيمة وحماية الاستثمارات خلال هذه الفترات اللي بـ تشهد تقلبات اقتصادية وسياسية.
سبب تراجع أسعار الذهب
لازم تعرف إنه بتتحكم بعض الأسباب في انخفاض سعر الدهب خصوصا الفترة الأخيرة أهمها ضعف الطلب عليه بشكل كبير
وده اللي أكده هاني ميلاد، رئيس شعبة الذهب بغرفة القاهرة التجارية، في تصريحات صحفية نشرها موقع موقع سبوتنيك بالعربي قال فيها إن الانخفاض ده حصل نتيجة زيادة المعروض من الذهب بعد قرار الإعفاء الجمركي من الذهب وده اللي خلق حالة تخوف من انخفاض السعر فـ ناس كتير بدأت تبيع
وكمان حصل تراجع كبيرا في عمليات شراء الذهب، وده معناه انخفاض الطلب على الدهب وأكيد ده ساهم في انخفاض الأسعار
وقال إن الأسعار الحالية مناسبة للشراء” لكن مش هتستمر لفترة طويلة وده لأنه هيرتفع تاني خلال الفترة الجاية.
قولنا أخر مرة اشتريت دهب كان إمتى وبكام؟
