هل نأنت بحاجة إلى أموال من أكجل أن تكبر المشروع الخاص بك ولا تعرف من اين تحصل على المال، سمطشف لك من خلال هذا التقرير مفاجأة عن كيفية الحصول على 500 ألف جنيه من أكبر البنوك.
خدمات مهمة بيقدمها البنك الزراعي المصري ومن ضمنها منتجات مخصصه لاصحاب المعاشات زي القرض الشخصي.القرض ده ليه مميزات كتير، اولها انك تقدر تقدم عليه حتى لو معاشك 900 جنيه بس والمبلغ اللي هتاخده بيتراوح من 5 آلاف الى 500 الف جنيه.
وما تخافش، البنك بيقدملك تسهيلات في السداد بتوصل ل 10 سنين ومعاها تأمين على الحياة، وبفايدة متناقصة 24.25%.
والأوراق المطلوبة أبسط مما تتخيل:
صورة بطاقة الرقم القومى سارية، وتعهد بتحويل المعاش، وإيصال مرافق حديث.
وعلى فكرة ده مش القرض الوحيد اللي بيقدمه البنك الزراعي بدون شروط كتيره، عندك مثلا قرض باب رزق: مخصص لدعم المرأة الريفية و المرأة المعيلة
والباعة الجائلين العاملين في تجارة المنتجات الزراعية والأدوات ومستلزمات الزراعة زي الأعلاف و الأسمدة. وضيف عليهم اصحاب الصناعات الريفية و والحرفية، ومربين الطيور والاغنام والماعز.
وصحيح قيمته تبان قليلة شويه من 2000 الى 10 آلاف جنيه، لكن ده في مقابل ان البنك مش هيطلب منك اي ضمانه زي تحويل المرتب او المعاش، وفترة السداد بتبدأ من 6 شهور لغايه 12 شهر.
وحسب علاء فاروق رئيس مجلس الاداره ، البنك الزراعي ليه 1150 فرع منتشرين على مستوى جمهوريه، وهدفه الاساسي هو خدمه اكتر من 50 مليون مصري من اهالي الريف وتقديم منتجات بنكيه تساعدهم على المعيشه وتحسين أوضاعه.
وحاليا البنك فيه ودايع بقيمة 141 مليار جنيه ودائع، وحجم القروض لعملائه 66 مليار جنيه, منها 21.8 لشركات كبرى ومتوسطة، مع صرف سلف للمزارعين.
وفي 2021, الكل كان متأثر بقرارت الاغلاق والحظر بسبب الظروف الصحية وقتها، عشان كده البنك أعلن عن مبادرة لإسقاط وتسوية مديونيات بإجمالي 4 مليار جنيه لأكتر من 45 ألف عميل.
وطبعا البنك مش بيدي قروض وبس، ده بيقدم شهادات ادخار مختلفة أهمها شهاده الحصاد: مدتها 3 بسعر فايدة سنوية 16%، والعائد يصرف كل 3 شهور، أو بفايدة 17% والعائد يصرف سنويا.
ونصيحه في الاخر بقى، لو ناوي تقدم على قرض في البنك الزراعي او اي بنك تاني، اسحب المبلغ اللي محتاجه بس عشان ما تزودش الدين عليك من غير داعي.
كمان اسأل موظف خدمه العملاء عن مواعيد السداد بالظبط عشان تعرف البنك هيبدأ يحسب عليك غرامات تأخير دفع القسط من امتى.
ولو ليكوا تجربه مع البنك الزراعي سواء اخدتوا قرض او عملتوا إيداع، شاركونا بيها في التعليقات، وقولوا لنا ايه اهم الاستفسارات اللي محتاجين تعرفوها.
