كل من كان ينتظر شهادات الـ 30% ووحزن بسبب عدم طرحها، فإننا سنحمل لك البشرى السارة من خلال هذا التقرير سنوضح شهادة بعائد مفاجأة من احد البنوك:
بنك الامارات دبي الوطني طرح شهادة ادخار جديدة بعائد 40.5% لمدة 3 سنين والمفاجأة إن العائد دا مدفوع مقدما
وحسب بيان البنك فـ الكل هيقدر يشتري الشهادة دي خصوصا إن اصدارها بيبدأ من 100 ألف جنيه ومضاعفات الـ 10 الاف جنيه .. ولو حضرتك عملت شهادة بـ100 ألف جنيه هتاخد وانت واقف أكتر من 40 ألف جنيه مقدم..
والشهادة ده بمعدل عائد تراكمي 18.89% سنويا
مش بس كدا دا كمان البنك بيسمحلك إنك تاخد قرض بيوصل لـ 30% من قيمة الشهادة
بس خلي بالك انت متقدرش تسترد قيمة الشهادة بالكامل إلا بعد مرور 6 شهور من تاريخ الاصدار،مش بس كدا انت كمان عشان تشتري الشهادة دي محتاج شوية ورق كدا تاخدوا معاك وانت رايح البنك
وهما الرقم القومي وتكون البطاقة سارية وفاتورة مرافق زي الكهرباء أو الماية متزدتش مدتها عن 3 شهور وخطاب شئون موظفين وبيان بالمرتب بتاعك وكشف حساب بنكي لمدة 3 شهور حديقولي اي الورق دا كله هو انا رايح اخد قرض
أحسن من القرض ياسيدي ودا لأنك هتقبض العائد مقدم وكمان هتقدر تقدم على قرض بقيمة 30% من الشهادة ودي هدية من البنك للي هيشتروها.
ولو عايز عائد أقل فـ البنك بيقدملك شهادة ادخار لأجل 3 سنين بعائد 22% ودي شهادة ثلاثية والعائد بتاعها بيكون سنوي
وكمان في شهادة زيها بردو بس العائد بتاعها 21% ودا عائد ثابت تقدر تقبضه كل شهر
وفي شهادة كمان بعائد 21.5 ودا بيكون ثابت ودورية الصرف بتاعه ربع سنوي
بس خلي بالك إن البنك أكد إن الحد الأدني عشان تصدر الشهادات الايداع الشهرية والربع سنوية هو 200 ألف جنيه ومضاعفات الـ 10 الاف جنيه من غير حد اقصي للمبلغ
أما بقا الحد الأدني لشهادات الإدخار السنوية فـ بيكون مليون جنيه ومضاعفات الـ 10 الاف جنيه مصري بدون حد أقصى للمبلغ
عندك كمان شهادة التمانية اللي اصدرها البنك بعائد متغير 21% سنويا ودي بقا شهادة تقدر تشتريها من أول 5 الاف جنيه ومضاعفات الـ 1000 جنيه وبتصرف العائد بتاعها كل شهر وطبعا معدل الفايدة بتاع الشهادة دي بيكون مرتبط بسعر العائد المعلن من البنك المركزي ودا لأنه عائد متغير.
وخليني اقولك إن بنك الامارات دبي الوطني بنك طبعا اماراتي والشهادات اللي طرحها دي جت بعد اعلان الحكومة عن تنفيذ صفقة رأس الحكمة بين الجانب المصري والاماراتي واللي هتقدم استثمارات نقدية مباشرة للدولة المصري بقيمة 35 مليار دولار هتدخل خزينة البنك المركزي في خلال شهرين
الدفعه الاولى خلال أسبوع بقيمه 15 مليار دولار منهم 10 مليار هتحولهم الامارات لمصر. ومنهم 5 مليار دولار موجودين اصلا ودايع في البنك المركزي والامارات هتتنازل عنها.
أما الدفعه التانيه فهتكون خلال شهرين من الدفعز الأولى، وبرده متقسمه على جزئين: 14مليار دولار تحويل من الخارج، و6 مليار دولار ودائع.
تفتكروا مفاجأت صفقة رأس الحكمة هتوصل لحد فين وهل فعلا كدا الاستثمار في الجنيه هيكون هو المكسب الحقيقي؟ وإيه رأيكم في الشهادة دي؟
