هل تعرف إنه إن كان معك 500 حنيه فقط من الممكن أن يكونوا بداية دخولك مجال الاستثمار ،نعم كما قرأت بالضبط ولكن كيف تابعنا من خلال التقري رالتالي لمعرفة التفاصيل
البنك الاهلي طرح شهادة ادخار هدخلك عائد محترم بس إيه تفاصيل الشهادة دي؟ والعائد بتاعها كام؟ وايه احسن شهادة موجودة في البنك؟
دلوقتي مفيش حد مبقاش يفكر في اي حاجة غير أنه ازاي يزود الفلوس اللي معاه لكن ده مش هيحصل غير بالاستثمار ايا كان بقى المبلغ اللي معاهم سواء كان كبير ولا صغير
عشان كده البنوك دايما بتطرح أوعية ادخارية تناسب كل الفئات، منهم البنك الاهلي اللي طرح شهادة تعتبر من اقل الشهادات الموجودة في السوق من حيث سعرها عشان كده انت ممكن تشتريها عشان تستثمر فيها فلوسك وانت مطمن، لكن ايه تفاصيلها؟
شوف يا سيدي، حسب موقع البنك الاهلي فالبنك بيطرح شهادة اسمها شهادة ب ودي بقى بضم 3 فئات اول فئة ودي مدتها سنة واحدة العائد بتاعها بيوصل ل 11.5% شهريا وبيتحسب من تاني يوم للشرا،يعني لو بتستثمر مبلغ 200 الف جنيه فيها هتكسب 23 الف جنيه
وبالنسبة بقى لأسعار الشهادات دي فأنت بتشتريها ب 500 جنيه بس، ودي بتجدد تلقائيا لو متمش استردادها او خلفت تعليماتها
أما الفئة التانية فهي مدتها سنتين 12% بدورية صرف عائد ربع سنوي وبفايدة ثابتة، الحد الأدنى لربط الشهادة هو 500 جنيه.
وبالنسبة للفئة التالتة من الشهادات دي فمدتها 3 سنين وبعائد 14.5% بيتصرف ربع سنوير وبرضو الحد الأدنى لشرائها 3 سنين
ده كمان طرح شهادة تانية اسمها “شهادة أ”ودي بقى شهادة ممكن تشتريها ب500 حنيه بس، مدة الشهادة دي هي 10 سنين والعائد بتاعها 10% تراكمي وبتاخدهفي نهاية مدة الشهادة وبيتحسب من تاني يوم شرا، مش بس كده انت كمان ممكن تقترض بضمان الشهادة.
ده كمان بيطرح شهادة تانية اسمها امان للمصريين ودي برضو بتشتريها ب500 جنيه ومدتها 3سنين والعائد بتاعها بيوصل ل13%.
من مميزات الشهادة دي بقى أنها بتمنحك وثيقة تأمين على الحياة من سن 18 لحد 59 سنة من غير كشف طبي، فيك التأمين ده ممكن تدفعه من عوايد الشهادة، وده بقى بيصرف تعويض قيمته 50 ألف في حالة الوفاة الطبيعية و250 الف في حالة الوفاة في حادثة.
من مميزات الشهادة دي كمان أنها بتعمل سحب ربع سنوي على 200 جايزة قيمة كل جائزة 10 آلاف جنيه معفية من الضرايب.
انت كمان تقدر تستردها في اي وقت انت عايزة بنفس القيمة اللي اشترتها بيها أو ممكن تستردها في نهاية المدة بالعوايد بتاعتها، لكن للاسف انت مش هتقدر تقترض بضمانها.
الشهادة دي بقى ممكن تشتريها من محفظة الفون كاش يعني مش هتحتاج تروح البنك وتتعب نفسك
ودلوقتي قولنا رايك في شهادات البنك الاهلي؟
