بعض الاشخاص لا يهتم بزيادة اسعار السلع الغذائية والاستهلاكية مثلما يهتم بزيادة اسعار السجاير لأنها بالنسبة له حاجة اساسية في حياته، وبالطبع بعد رفع أسعار السجاير المحلية ارتفعت اسعار بعض السجاير الاجنبية طوال شهر سبتمبر الماضي، والآن حان موعد ارتفاع أسعار سجائر وينستون التي يستهلكها ملايين المصريين، ولكن ماهي الزيادة الجديدة في اسعار سجاير وينستون؟ وستطبق من متى؟ ده اللي هنعرضهولكم في تقريرنا التالي، تابعونا.
إبراهيم إمبابى، رئيس الشعبة العامة للدخان والسجائر باتحاد الصناعات المصرية كشف عن ارتفاع سجاير شركة JTI اليابانية واللي هيبدأ تطبيقها خلال ساعات.
رئيس الشعبة قال في تصريحات صحفية أنه تم زيادة أسعار سجاير وينستون جنيه واحد فقط وبقى سعرها ب 33 جنيه بعدما كانت ب 32 جنيه.
وفي وقت سابق كان كشف إبراهيم إمبابي، عن قايمة أسعار بيع السجاير الخاصة بشركة المنصور الدولية للتوزيع، وأكد وقتها أن بعض الأصناف شهدت زيادة اسعار ما بين جنيه و 2 جنيه.
إمبابي كمل كلامه وقال، إن شركة المنصور الدولية للتوزيع وكيل امبريال توباكو العالمية أعلنت قايمة بأسعار البيع النهائي للمستهلكو واللي بتشمل منتجاتها المحلية والمستوردة واللس شملت ارتفاع جديد في الأسعار بما يتراوح من جنيه واحد الى 2 جنيه.
وأكد كمان في تصريحاته أن الشركة أكدت على أن تحريك أسعار منتجاتها بييجي في اطار عدد من المتغيرات الحاكمة لعناصر التكاليف وارتفاع أسعار مدخلات الإنتاج والعوائد الضريبية المتوقعة وفق المخطط المستهدف تحقيقه والمعلن وفق الموازنة العامة للدولة.
ما هي أسعار السجاير الأجنبية بعد زيادتها في الشهر الماضي؟
شعبة الدخان في اتحاد الصناعات كانت أعلنت عن زيادة أسعار السجاير الأجنبية لشركة فيليب موريس من انواع ال ام، ومارلبورو، وميريت بقيمة تترواح من جنيه إلى 3 جنيه للعبوة 20 سيجارة.
سجائر ميريت بأنواعها بقت بسعر 52 جنيه بعد ما زات 3 جنيه.
مارلبورو أحمر وجولد وباربل ميكس بسعر 48 جنيه بعد ما زادت 2 جنيه.
أما مارلبورو جرافتيد بأنواعها، فسعرها أصبح 38 جنيها بدل ما كانت ب 36 جنيه.
كمان إل أند إم احمر وازرق وسيلفر وفورد، بقوا بسعر 35 جنيه بزيادة جنيه واحد.
أما إل آند إم موشن بأنواعها فدي الوحيدة اللي فلتت من الزيادة ولسة سعرها 28 جنيه للعبوة.
وقبل كدة شركة الشرقية للدخان أعلنت رفع الأسعار للمرة التانية خلال 6 شهور.
فارتفع سعر كليوباترا سوفت كوين من 19 جنيه لـ21 جنيه، وسعر كليوباترا بوكس (أبيض/ألوان) من 20 جنيه لـ22 جنيه.
كمان زاد سعر كليوباترا كينج سايز من 18.50 جنيه لـ20.50 جنيه. وسعر كليوباترا سوبر من 21 جنيه لـ23 جنيه.
وارتفع سعر «بوكس 10» من 11.50 جنيه لـ13 جنيها، وسعر بوسطن – بلمونت من 19.50 جنيه لـ22 جنيها، وسعر مونديال من 21 جنيها لـ23 جنيها.
أما سعر كليوباترا بلاك ففضل زي ماهو 24 جنيه، بدون زيادة.
