كلها يومين ويبدأ عملاء البنك الأهلي وبنك مصر في صرف عوائد شهادات الـ18% وطبعا أصحاب هذه الشهادات الأن في حيرة عن كيفية استثمار أموالهم.
طيب لو انت من الناس دي ومش عارف لسه هتعمل إيه خليك معانا في الفيديو ده وإحنا نقولك تستثمهم إزاي وإيه هي أعلى فوايد بتقدمها البنوك المصرية:
بدأ دلوقتي عملاء البنك الأهلي ومصر اللي قدموا عى شهادات الـ18% يدوروا على أفضل فرص لاستثمار فلوسهم خاصة وإن معاد استحقاق الشهادات دي هيبدأ من نهاية الأسبوع ده ولحد بداية شهر يونيو الجاي .
ولو انت مش عارف فـ البنك الأهلي ومصر طرحوا شهادة 18% لأجل سنة بدورية صرف عائد شهري يوم 21 مارس السنة اللي فاتت ، وده بالتزامن مع يوم عيد الأم وأول موجة لتحرير سعر الصرف وكان هدف الشهادة دي هو كبح جماح التضخم اللي زاد بسبب ارتفاع الدولار قدام الجنيه.
والشهادة دي حققت حصيلة وصلت لـ 750 مليار جنيه في 71 يوم بس من طرحها.دلوقتي بقا إيه هي أفضل فايدة بتقدمها البنوك في مصر؟
في الأول لو بتفضل البنوك الحكومية فـ عندك شهادة ادخار من البنك الأهلي والشهادة دي هتديك فايدة سنوية 16% للعائد الشهري، و16.25% للعائد الربع سنوي، و16.5% للعائد النص سنوي، و 17.25% كل سنة، الجميل إنك ممكن تشتريها من أول ألف جنيه كـ حد أدني.
عندك كمان شهادة ادخار من بنك مصر تقدر تختارها بعائد 17.25% وتقبضه بشكل سنوي، و16% تقبضه شهري، و16.25% تقبضه بشكل ربع سنوي، وهتقدر تشتريها من أول ألف جنيه كحد أدنى.
في بقا شهادة مميزة كمان من بنك القاهرة هتديك فايدة سنوية 16% تقدر تصرفها بشكل شهري، أو 16.25% للعائد الربع سنوي، أو 16.5% للعائد النص سنوي أو17.25% للعائد السنوي، وهتبدأ تشتري الشهادة دي من أول 5 آلاف جنيه كحد أدنى.
ولو بتدور على فايدة مرتفعة فـ عندك شهادات الادخار الثلاثية من بنك ناصر الاجتماعي بأسعار فائدة توصل لـ22%، وهتقدر تصرف العائد في نهاية المدة.
عندك كمان شهادة البنك التجاري الدولي المشهورة بـ برايم، ودي بتكون لأجل 3 سنوات وسعر الفائدة بتاعتها بيكون 17% وتقدر تصرفه شهريا أو 18% وتصرفه سنويا بشرط إنه ميقلش الحد الأدنى لشراءها عن مليون جنيه.
في بقا الشهادة الثلاثية بلس ودي بتديلك سعر فايدة 16.5% و العائد تقدر تصرفه شهريا أو 17.5% يصرف وتصرفه بشكل سنوي بشرط إن الحد الأدني لشرا الشهادي دي ميقلش عن 200 ألف جنيه .
ولسه عندك اختيارات كتيرة من بنوك مصرية بتقدملك أفضل عائد تضمن بيه إن قيمة فلوسك تزيد متقلش، منهم مثلا بنك QNB، واللي بيقدم شهادة بـ تتراوح نسبة الفايدة بتاعتها ما بين 16% سنويا وبتكون دورية صرف العائد بتاعها شهري، وما بين 16.25% وفي الحالة دي دورية صرف للعائد بتكون ربع سنوية، أو17.25% بدورية سنوية لصرف العائد
أما بنك HSBC، فبيقدملك شهادة بسعر فايدة سنوية 16% وبتقدر تصرف العائد بتاعها كل شهر.عندك كمان شهادة المصرف العربي الدولي واللي بيقدملك نسبة فايدة سنوية 15% تقدر تصرف العائد بتاعها بشكل شهري، و15.25% وصرف العائد بشكل ربع سنوي.
الجميل إنك ممكن تشتريها من أول 5 آلاف جنيه كحد أدنى و مضاعفات الألف جنيه، كمان عندك شهادة ادخار من البنك المصري الخليجي.
واللي طرحها بعائد شهري ثابت ومتغير وده لأنها بتديك خلال السنة الأولى عائد 20% أما في السنة الثانية والثالثة تدي عائد بيتحدد وفق سعر الإيداع لدى البنك المركزي وتقدر تشتريها من أول ألف جنيه.
كمان بيديلك شهادة بسعر فائدة 16% سنويا وتقدر تصرف العائد بتاعها كل شهر بحد أدنى لشراءها ألف جنيهدلوقتي قولنا لو انت من أصحاب شهادات الـ18% هتختار تستثمر فلوسك إزاي؟
