لجنة التسعير اجتمعت الخميس 2 مارس 2023 وزيادة البنزين طبقت. ومن يريد أن يشتري سيارة يفكر الآن في استهلاكها للبنزين، لذلك فإننا سنوضح أفضل 6 سيارات زيرو اقتصادية فى البنزين.
العربية الاولي الهاتشباك سوزوكي ألتو موديل 2022 والي بتتقدم من خلال وكيلها شركة مودرن موتورز ، والعربية بتيجي بمحرك 3 سلندر.. سعة 800 سى سى.. بيطلع قوة 47 حصان.. وعزم دوران 68 نيوتن في المتر ومتوصل بفتيس مانوال 5 سرعات والعربية بتستهلك 3.5 لتر لكل 100 كم والعربية متاحه بفئة واحده بسعر بيبدأ من 180 الف جنية ومتاح منها تسليم فوري.
والعربية التانية معانا من نفس العلامة الي فاتت.. وهيا سوزوكى إسبريسو موديل 2022وبتيجي بموتور 3 سلندر سعة 1000 سى سى.. بيطلع قوة 67 حصان وعزم دوران 90 نيوتن في المتر، ومتوصل بفتيس مانوال 5 سرعات و العربية بتستهلك 5 لتر لكل 100 كم.
وبتتقدم إسبريسو موديل 2022 من خلال فئة واحدة بسعر 300 ألف جنية ومتاح منها تسليم فوري في المعارض وبدون اوفر برايس.
ولسا مع نفس العلامة والعربية التالتة هيا.. سوزوكي بــالينو العربية هاتشباك.. بتيجي بموتور 1400 سي سي
بيطلع قوة 95 حصان و130 نيوتن متر عزم ومتوصل بفتيس اوتوماتيك CVT واستهلاك العربية بيوصل 5ونص لتر بنزين لكل 100 كيلو متر العربية موجود منها فئة واحدة بس وسعرها 320 الف جنية.
واخر عربية من العلامة اليابانية العربية الرابعة سوزوكي سويفت موديل 2022 سويفت بتنزل بمحرك بسعة 1200 سي سي، بينتج قوة قدرها 84 حصان و بيطلع عزم دوران قدرة 107 نيوتن/متر ومتوصل بفتيس اوتوماتيك من 5 سرعات .. و العربية بتستهلك 6 لتر لكل 100 كم.
العربية بتتقدم بتلت فئات سعرية.. سعر الفئة الاولي 440 ألف جنية، وسعر الفئة التانية 460 ألأف جنية، وسعر الفئة التالتة 480 ألف جنية.
والعربية الخامسة هيا بروتون ساجا موديل 2022 الماليزية بتيجي بمحرك 1300 سي سي أقتصادي في أستهلاك الوقود وبينتج قوة 95 حصان.
وعزم دوران 120نيوتن في المتر.. ومتوصل بفتيس اوتوماتيك من 4 سرعات.. وبتستهلك العربية مايعادل 5.7 لتر لكل 100 كم
والعربية بتتقدم بفئتين الفئة الاولي وصل سعرها لـ 400 ألف جنية والفئة التانية بسعر 420 الف جنية.
واخيرا ميتسوبيشي اتراچ 2023 .. وبتقدمها شركة دايموند موتورز، الوكيل المحلى للعلامة اليابانية ميتسوبيشي في مصر
اتراچ بتيجي بمحرك 3 سلندر، سعة1200 سي سي ، بيخرج قوة 76 “حصان” مع عزم للدوران 100 نيوتن/ متر، ومتوصل بناقل حركة أتوماتيك 6 سرعات “CVT”. و بيوصل استهلاك البنزين فيها لـ 5 لتر لكل 100 كم والعربية سعرها الرسمي للفئة الوحيدة المتاحه منها 400 الف جنية متنسوش تتابعونا علي منصات الاموال عشان يوصلكم كل جديد.
