تعرف على الحسابات التي ارتفع سعر الفائدة عليها

غدا، الأحد ايناير اجازة في البنوك بمناسبة انتهاء السنة المالية، والسؤال الآن لو فاتح حساب توفير في البنك، فمتى سنزل عليه العائد عليه وتستطيع أن تأخذ أموال؟ تبعنا من خلال هذا التقرير ستعرف أسعار الفايدة على الحسابات الآن، وهل حدث فيها تغيير بعد رفع البنك المركزي لسعر الفايدة بنسبة 3٪ ؟

دلوقتي السنة المالية لكل بنوك مصر بتبدأ من1 يناير حتى 31 ديسمبر والسنة المالية معناها الفترة اللى بيتم فيها عمل ميزانية وحسابات البنك أو الشركة أو الدولة.

عشان كده إضافة الفائدة عن الفترة من 1 يناير 2022 وحتى 31 ديسمبر 2022 هيحصل فعلا مع نهاية 2022 والفلوس هتكون فى حسابك الأسبوع الجاي.

وخد بالك احنا هنا بنتكلم عن إضافة العوائد السنوية وخصم العمولات والمصروفات السنوية للحسابات المصرفية وتالي بيحصل فى آخر ديسمبر من كل سنة.

وعشان تبقى عارف البنوك في مصر بتقدم حسابات توفير تناسب كل الأعمار، من 16 سنة أو 21 سنة أو حتى لأصحاب المعاشات.

وبيختلف العائد حسب نوع حساب التوفير والشريحة اللي يندرج تحتها، وبعد قرار البنك المركزي في اجتماعه الأخيرة لرفع سعر الفايدة 3% ، ناس كتير بدأت تسأل عن العائد على حسابات التوفير وهل حصل فيها تغيير ولا لأ، فخلينا نشوف مع بعض.

عندك مثلا بنك مصر، ثبت الفايدة على حساب التوفير العادي واللي بيبدأ الحد الأدنى ليه من 1500 جنيه، واحتساب العائد بيبدأ على الرصيد من أول 3 آلاف جنيه.

والحساب متقسم إلى 5 شرائح بتختلف فيهم الفايدة حسب رصيد كل شريحة ودورية صرف العائد بتاعها.فمثلا:

• الشريحة الأولى تبدأ من 3 إلى 5 آلاف جنيه،والفايدة عليها 4.5% سنويا لدورية صرف العائد السنوية.
• والشريحة الثانية أكتر من 5 آلاف جنيه إلى 50 ألف جنيه ونسبة الفائدة 4.75% سنويا.
• َالشريحة التالتة أكتر من 50 ألف جنيه إلى 250 ألف جني ونسبة الفائدة 5.25% سنويا.
• والشريحة الرابعة أكتر من 250 ألف جنيه إلى 500 ألف جنيه والفايدة عليها و5.75% سنويا لدورية صرف العائد السنوية
• وأخيرا الشريحة الخامسة أكتر من 500 ألف جنيه والفايدة عليها 6.25٪ سنويا.

والجديد بقى ان بنك مصر رفع سعر الفايدة على الحساب الجاري وحساب المعاشات لان العائد عليهم مرتبط بسعر الكوريدور.

وده معناه ان البنك المركزي لو زود الفايدة العائد على الحسابات دي بتزيد، أما لو المركزي قلل الفايدة فبرضه العائد على الحسابات دي بيقل.

ودلوقتي اصبح سعر الفايدة على الحساب الجاري لأصحاب المعاشات بعائد شهري وبحد أدنى ألف جنيه11% سنويا بدلا من 8%. أما حساب التوفير الجاري ذو العائد اليومي، وبحد أدنى 50 ألف جنيه لغاية 100 ألف جنيه، فالفايدة عليه ارتفعت إلى 10% سنويا بدلا من 7%.

ولو أكتر من 100 ألف جنيه إلى 500 ألف جنيه، بيزيد سعر الفابدة إلى 10.25% سنويا. ولو الحساب الأحد الأدنى ليه أكتر من 500 ألف جنيه إلى أقل من مليون جنيه: فسعر الفايدة عليه أصبح 10.5% سنويا.

ودلوقتي بقى ايه الأفضل من وجهة نظركم، تحطوا فلوسكم في حساب توفير ولا شهادة ادخار؟