الآن إن كنت تمتلك فكرة مشروع ولا تعرف كيف تنفذها بسبب الأموال، فإن الفرصة أمامك الآن ، وذلك لأن البنك الزراعي المصري يقدم قرض جديد بتسهيلات كبيرة سنتعرف على تفاصيله من خلال التقرير التالي:
لو انت من سكان القرى وبتفكر تخلى لولادك مصدر رزق مضمون وتكون إنت اللي بتديره فـ أنت عليك تختار فكرة المشروع والبنك الزراعي عليه إنه يديلك التمويل، وده من خلال القرض الجديد اللي بيقدمه واللي أسمه باب رزق.
والقرض ده البنك الزراعي المصري أعلن عنه عشان المشروعات متناهية الصغر في قرى الريف.
ما هي مميزات قرض باب رزق عن باقي القروض؟
هقولك يا سيدي اللي بيميز القرض ده هو الفوايد البسيطة اللي بتكون عليه ده كمان بيخليك تسدد بأنظمة سداد مميزة وتسهيلات كبيرة.
ده غير كمان إن القرض بدون مصاريف بنكية، وهتخلص إجراءاته بسرعه جدا ، وهتاخد فترة سماح لحد 60 يوم قبل أول قسط، والفايدة هتكون متناقصة بشكل سنوي.
ده مش بس كده ده لو انتوا 4 اخوات أو صحاب هتقدروا كلكم تشتركوا في قرض واحد، وغير كده البنك هيسمحلكم إنكم تضمنوا بعض.وهتاخد كمان مع القرض بطاقة ميزة اللي بيقدمها البنك الزراعي المصري مجاناً.
طيب مين اللي يقدر يستفاد بالقرض ده؟
بص يا سيدي اللي هيستفادوا من القرض الجديد من البنك الزراعي هما السيدات يعني أي سيدة عايشة في الريف هتقدر تاخد القرض ده، بس كده ؟
و طبعا و منقدرش ننسى نص المجتمع التاني وهنا البنك بيقدم القرض ده لكل التجار والحرفيين ده كمان لكل الباعة الجائلين وده لمساعدتهم عشان يقدروا ينفذوا مشروعات تدخلهم مصدر رزق وتحقق ليهم حياة كريمة.
ده كمان كل الناس اللي شغاله في الصناعات الريفية والحرفية زي صناعة السجاد والتريكو.كمان لو كنت من المربيين لـ الطيور زي الدواجن، والبط، والأرانب هقدر تاخد القرض ده.
ولو كنت من الناس اللي بتربي الأغنام والماعز أو أصحاب الحرف اليدوية فبردو هتقدر تاخد القرض .وعلى فكرة القرض ده بيبدأ من 2000 جنيه بحد أدنى ولحد 10 الاف جنيه بحد أقصى، ومش بس كده ده البنك كمان بيخليك تسدد المبلغ ده بأنظمة تقسيط كتيرة ومختلفة من أول 6 شهور وبحد أقصى 12 شهر.
وأنظمة السداد دي انت اللي بتختارها وبتكون يا إما بشكل شهري أو ربع سنوي أو نص سنوي حسب طبيعة التمويل والغرض من النشاط اللي انت بتعمله.
طيب ياترى إيه الورق المطلوبة عشان تقدر تقدم على القرض ده ؟
بص انت مش مطلوب منك عشان تاخد القرض ده من البنك الزراعي غير صورة بطاقة الرقم القومي بشرط تكون سارية وكمان هتجيب معاك وانت رايح البنك وصل ماية أو كهرباء أو غاز ويكون حديث.ومتنساش أخر مستند وهو صورة بطاقة الضامن اللي هيضمك.
وخلي بالك البنك الزراعي المصري ده تابع لوزارة الزراعة واستصلاح الأراضي، وموجوده فروعه تقريبا في كل المحافظات واللي وصلت لأكتر من 176 فرع في 150 قرية.
دلوقتي قولنا رأيك في القرض الجديد اللي بيقدمه البنك الزراعي المصري؟
