من قال إن الدولارات يزيدوا تحت البلاطة؟ بالعكس فإن وجودهم ليس مضمون، فـ خليك ذكي ولو معاك دولارات وتريد أن تستثمرها صح وتزودها تفتابعنا لتعرف كيف تحقق أرباح شهرية توصل لـ225 دولار فـ الشهر وكمان مش من أي بنك ده البنك الأهلي المصري.
ناس كتير أوي بتدور إنها تشتري شهادات دولارية من البنوك الحكومية وبالأخص البنك الأهلي المصري، وده لأنه معروف إن البنك الأهلي بيدي أعلى فايدة علي الشهادات.
وطبعا مفيش أهم من شهادة الأهلي فورَا اللي طرحها البنك الأهلي بالدولار وبفايددة 9% كل سنة وبيتصرف مقدمًا بالجنيه المصري و بكده يكون العائد 27% طول مدة الشهادة.
طيب إيه تفاصيل الشهادة دي؟
منا جايالك في الكلام اهو شوف ياسيدي أجمل ما في الموضوع إن الشهادة دي مدتها 3 سنين، والحد الأدنى لشهادة الأهلي فورًا هو 1000 دولار، وتقدر تحسب الأرباح من تاني يوم من شراءك لـ الشهادة.
والجميل بقى إنك تقدر تحقق مكسب منها 2700 دولار، طب ازاي؟
الشهادة عائد سنوي 9% يصرف مقدما 27%، لو حطينا 10 آلاف دولار يبقي، في 3 سنين 2700 دولار، في السنة 10000×9%=900، في الشهر 900/12= 75 دولار لو بالجنيه: المكسب في 3 سنين 83 ألف و700
طيب إزاي ده ممكن يحصل؟
هقولك ياسيدي، في حالة لو فتحت شهادة الأهلي فوراً بمبلغ 10 ألاف دولار، فـ هيكون عائد الربح السنوي عليها 900 دولار، والاجمالي 2700 دولار.
ولو حبيت تحسبها بالمصري وقلنا سعر الدولار ب31 جنيه، يبقى المكسب 83 ألف جنيه و700 جنيه. ولو بتسأل عن مميزات شهادة الأهلي فورًا بالدولار.
فلازم تعرف الأول إنه لا يجوز تداولها أو تحويل قيمتها أو خصمها أو رهنها أو التصرف فيها بأي صورة من صور التصرفات الناقلة للملكية إلا لصالح البنك الأهلي المصري
والمميز فهيا إنك تقدر تجددها تلقائياً في تاريخ استحقاقها حسب السعر المعلن وده في حالة لو البنك الأهلي مأعلنش التوقف عن اصدار منتج الشهادة
كمان العائد بيتحسبلك علطول من تاني يوم عمل بعد شراءك للشهادة
والمفاجأة إنه بيتم صرف العائد مقدما ‘بالكامل’ عن مدة الشهادة بالجنيه المصري وكمان يتم إضافة عائد الشهادة تاني يوم عمل بالجنية المصري وده طبعا بعد حساب سعر الصرف في تاريخ اصدار الشهادة
طيب إزاي ممكن اشتري شهادة الأهلي فورا؟
عندك أسهل طريقة وهي إنك تشتريها من خلال: موقع البنك الأهلي أو من خلال- الانترنت البنكي- أو خدمة الأهلي فون
ولو مش هتعرف تعمل ده ممكن تتوجه لأقرب فرع للبنك الأهلي.
لكن خلي بالك مش هتقدر تسترد الشهادة دي إلا لما يفوت 6 شهور، لكن مش لازم تستنى مدة الشهادة وهي 3 سنين وممكن بعد 6 شهور تستردها لكن بشروط وقواعد معينة معلنة في البنك.
والمفاجأة هي إنك تقدر تاخد قرض بضمان شهادة الأهلي فورًا، لكن خلى بالك الحد الأدنى للشراء 1000 دولار أمريكي، دلوقتي قولنا لو معاك دولارات هل بتفكر تستثمرها في شهادة ولا شايف إنها في البيت هتجبلك فلوس أكتر.. والأهم من كل ده قولنا رأيك في الشهادات الدولارية الموجودة في السوق؟
