بعد قرار البنك المركزي برفع معدلات الفائدة بنسبة 3% على الإقراض والإيداع، الكل يحاول يعرف تأثير القرار عليه، والمصريين بالخارج سواء في السعودية أو الكويت أو الإمارات من الناس اللي هتتأثر بالقرار.
كيف سيؤثر القرار على تحويلات المصريين بالخارج؟ وإذا كنت في السعودية أو الكويت كيف تكسب زيادة من القرار؟.. تفاصيل كثيرة نكشفها من خلال هذا التقرير:
مع إعلان البنك المركزي المصري رفع معدلات الفائدة بواقع 300 نقطة أساس، ارتفعت الفائدة على ودائع الليلة الواحدة لـ 16.25% من 13.25%، وارتفع برضو معدل الإقراض لليلة الواحدة إلى 17:25% من 14:25%.
البنك المركزي اللي أعلن أنه بيستهدف من خلال القرار ده استقرار الأسعار على المدى المتوسط بعد الارتفاع الكبير في كل الأسعار الفترة اللي فاتت، وفي نفس الوقت يهدف منه معدلات التضخم واللي ارتفعت بنسبة% في المتوسط وبالتالي كان السبب في ارتفاع كل حاجة.
كمان البنك قال إن الفترة اللي فاتت شهدت ارتفاع كبير في الدولار وده اللي خلى المصريين بالخارج وخاصة اللي في الدول العربية قالوا في التحويلات اللي بتيجي منهم، مع التوقعات بارتفاع الدولار الكبير الفترة الجاية وبالتالي مش ممكن أحوله على البنك والفرق بينه وبين السوق الموازية كبيرة.
لكن بعد القرار ده من المتوقع أن سعر الدولار هينزل وده اللي حصل من إمبارح بالفعل لما نزل سعر الدولار في السوق السواء لـ 29 جنيه بدل من 38 جنيه للدولار قبل يومين بالتحديد، وسط حالة شرسة من المضاربات في ظل توقعات بتعويم ثالث، لكن بعد القرار ده هينزل سعر الدولار في الوقت اللي ارتفعت فيه أسعار الفايدة يعني قيمة الجنيه المصري ارتفع.
طيب ده هيأثر على تحويلات المصريين بالخارج إزاي؟
دلوقتي مع نزول سعر الدولار المصريين في الخارج هيقدروا يرجعوا يرسلوا التحويلات بتاعتهم لأن الدولار مش هيرتفع لفترة وبالتالي هيكون في استقرار خاصة في الوقت اللي ضغط صندوق النقد الدولي الملايين من العملة الأجنبية في السوق المصري وبالتالي هيكون فيه دولارات كتير.
طيب إزاي المصريين بالخارج يكسبوا من القرار؟
وفقا لبعض المصادر المصرفية، فالبنوك بتدرس في الوقت الحالي أنها تعمل شهادات إدخار بالدولار ودي اللي هتكون متوفرة لكل المصريين بالخارج، ويقدرو يشتركوا فيها بقيمة الفلوس بتاعتهم بالعملة الأجنبية اللي هما واضعينها فيها وفي نفس الوقت الحصول على فوايد كل 3 شهور ودي خطوة فيها مكسب كبير.
ووفقا لبيانات البنك المركزي فإن تحويلات المصريين العاملين بالخارج سجلت حوالي 2.9 مليار دولار، وده نسبة كبيرة منهم بيكونوا من المصريين في دول الخليج، ووفقًا للي قاله هاني جنينة، الخبير الاقتصادي، فاقتصاديات دول الخليج اللي بتشهد انتعاشًا كبيرًا نتيجة ارتفاع أسعار النفط لمستويات قياسية ساهم في أن يكون المصريين اللي شغالين في السعودية والكويت والإمارات الأكثر تأثيرًا
كمان قال إن شهادات الادخار اللي هتكون بفوائد مرتفعة واللي هتطرحها البنوك المحلية الفترة الجاية تزامنًا مع رفع سعر الفائدة، هتجذب عدد كبير من المصريين في الخارج لأن مكسبها كبير، خاصة اللي هتكون بالعملة الأجنبية، وكمان الودائع الدولارية بتكون مفيدة وبمكسب كبير للمصريين بالخارج.
