لو انت من أصحاب المعاشات وتبحث على قرض شخصي نحن سنقول لك على أفضل 4 قروض شخصية موجودة في البنوك، والتي تستطيع أن تقدم عليهم بمعاش يبدأ من 900 جنيه فقط لكي تحصل على قرض يصل إلى مليون جنيه.
بتعتبر القروض الشخصية، من بين المنتجات البنكية المنتشرة بشكل كبير وناس كتيرة مهتمة تعرف ايه الجديد اللي بتقدمه البنوك خاصة أصحاب المعاشات، وده لأنه في أوقات كتير بيضطر أصحاب المعاشات إنهم يقدموا على قرض شخصي بضمان المعاش.
وده لأن النوع ده من القروض ببلجأ ليه غالبية المواطنين وده عشان يقدروا يشتروا احتياجاتهم سواء كانت سلع أو خدمات محتاجة لتمويل.
طيب ياترى اي أفضل قروض بتقدمها البنوك لأصحاب المعاشات؟هقولك ياسيدي على 3 بنوك بتقدم أفضل قروض شخصية من حيث الفائدة لأصحاب المعاشات، وده حسب تقرير نشرته جريدة الوطن.
عندك أول قرض بيقدمه البنك الزراعي المصري لأصحاب المعاشات، والمفاجأة ان قيمة القرض بتوصل لـ 500 ألف جنيه.مش بس كدة ده كمان فترة السداد: توصل ل 10 سنين، والجميل ان الحد الأدنى المطلوب للمعاش هو 900 جنيه بس
عندك كمان القرض الشخصي اللي بيقدمه البنك الأهلي المصري لأصحاب المعاشات:وقيمة القرض ده بتوصل لـ 500 ألف جنيه.
كمان هتقدر تسدد القرض ده على 10 سنين، كمان الحد الأدنى للمعاش 900 جنيه بس.مش بس كده ده كمان البنك الأهلي المصري ببقدم قرض تاني لأصحاب المعاشات.
لكن المفاجأة إن قيمة القرض ده بتوصل لمليون جنيه.واللي بيقدملك فترة السداد توصل لـ 10 سنين، بس خلي بالك ان الحد الأدنى للمعاش عشان تاخد القرض ده هو 1200 جنيه.
مش بس كده انت كمان عندك القرض اللي بيقدمه بنك ناصر الاجتماعي لأصحاب المعاشات بحد أقصى 75% من المرتب أو المعاش، بعائد 11% فى حالة وجود ضامن حكومى و 11.7% فى حالة عدم وجود ضامن حكومي، وعشان تاخد القرض ده لازم تروح أقرب فرع لبنك ناصر الاجتماعي.
وطبعا تقدم المستندات المطلوبة للموظف المختص وده عشان يتم تقديم الطلب.كمان الموظف هيراجع المستندات و نتيجة الاستعلام المركزى “i-score”.
وبعد ما يتم الموافقة لازم وقتها توافق على تحويل المرتب أو المعاش على البنك، ولو بتسأل عن مستندات الحصول على قرض شخصي لأصحاب المعاشات من بنك ناصر، فلازم تقدم الرقم التأميني وده عشان تقدر تفتح حساب في البنك.
كمان خد معاك وانت رايح صورة بطاقة الرقم القومي وطبعا لازم تكون سارية.كمان لازم يكون معاك إيصال مرافق حديث، وبيان بمفردات الدخل، ومتننساش انك هتحتاج ضامن وطبعا لازم هو كمان يقدم نفس المستندات اللي مطلوبة منك
وعموما قبل ماتقدم على أي قرض في كام نصيحة لازم تسمعهم الأول وأهمها انك تاخد قرض بالمبلغ اللي محتاجه وبس، لا أكتر ولا أقل.
وقبل ماتمضي أي ورق لازم تقعد مع موظف العملا وتفهم منه كل الالتزامات اللي عليك من أول الفايدة اللي عندها لغاية المصاريف الإدارية ورسوم وغرامات التأخير لو لاقدر الله اتأخرت في سداد القسط.
ولو انت من أصحاب المعاشات قولنا رأيك في الخدمات والمنتجات اللي بتقدمها البنوك ليكم وهل راضي عنها؟ وهل سبق وحاولت تاخد قرض قبل كده؟ كمان لو عندك أي استفسار اكتبه في التعليقات.
