في الساعات الأخيرة، انتشرت أخبار بشراء الكويت، وتخديدا الصندوق السيادي الكويتي للمصرف المتحد بقيمة 660 مليون دولار على اساس يتم توقيع العقود الرسمية بعد إجازة العيد.
لكن دلوقتي الصندوق السيادي الكويتي، والمعروف باسم هيئة الاستثمار الكويتية، طلع يكشف الحقيقة وقال علي حسابه الرسمي في موقع التواصل الاجتماعي تويتر، إن خبر الاستحواذ على المصرف المتحد ملوش اي علاقة بيه سواء من قريب أو بعيد.
كمان طالب بضرورة الحصول على المعلومات الصحيحة من مصادرها الرسمية.
وهنا بقى أي حد فينا هيسأل إيه حكاية المصرف المتحد اللي كل شوية نسمع خبر عن بيعه مرة للسعودية ومرة للكويت؟
الحكاية ومافيها ياسيدي ان المصرف المتحد اتأسس في سنة 2006 من خلال دمج 3 بنوك متعثرة ضمن خطة لإصلاح الجهاز المصرفي وقتها، وحاليا البنك المركزي هو المالك ليه بنسبة 99.9% من الأسهم.
ورغم أرباح المصرف المتحد لكن البنك المركزي عاوز يبيعه لسببين:
الأول سبب قانوني، لأنه حسب القانون المصري دور البنك المركزي هو الإشراف على عمل البنوك، عشان كده مينفعش يكون منافس ليهم عم طريق امتلاك بنك معين.
والسبب التاني هو توفير الدولار، خصوصا ان البنك من ضمن الكيانات اللي حطتهم الدولة في برنامج الطروحات الحكومية لبيع 32 شركة..
وبناء عليه، بدأت مفاوضات البيع بين البنك المركزي والصندوق السيادي السعودي في 2022، وبعدها دخل الصندوق السيادي الإماراتي على خط المفاوضات.
بس التقارير كانت بتقول ان الصندوق السعودي هو الأقرب للحصول على الصفقة والاستحواذ على المصرف المتحد، لغاية اللي حصل في فبراير اللي فات:
وكالة بلومبرج كشفت عن وقف المفاوضات بين الصندوق السعودي والحكومة بسبب الاختلاف على طريقة تقييم الصفقة، السعودية عاوزاها بالجنيه المصري، ومصر عاوزاها بالدولار.
وبعدها البنك المركزي المصري بعت في مارس طلبات إلى بنوك الاستثمار، لتقديم عروض لدور استشاري في بيع المصرف المتحد، حسب رويترز
وأجدد حاجة بقي اللي كشفته وكالة بلومبرج عن مفاضلة الحكومة بين عرضين للبيع، والاختيار هيبقى بعد العيد عشان تبدأ إجراءات البيع مباشرة.
وهنا بقى ييجي آخر سؤال إيه علاقة الصفقة بتعويم الجنيه؟
حسب عدد من الخبراء هيحصل خفض جديد لقيمة الجنيه الفترة الحاية، والمتوقع ان ده يحصل من دخول تدفقات استثمارية جاية من صفات البيع للخليج.
لكن دلوقتي مع نفس الصندوق الكويتي للاستحواذ على المصرف المتحد تتوقعوا خفض الجنيه أمام الدولار هيتأجل، ولا الصفقة هتكمل وخفض الجنيه هيبقى بعد العيد؟
شاركونا برأيكم في التعليقات
