مازالت أسعار الذهب في مصر حديث الساعة لكل المصريين، وهذا بعد ارتفاعها الجنوني الذي تابعناه على مدار الاسبوعين الماضيين حيث وصل خلالها سعر الجرام ل 1800 جنيه، ووهذا ماجعل الكثير من المواطنين يلجئون لشراء الذهب على أمل أنه يزيد مرة ويحققوا مكاسب كبيرة.
وناس كتير بتسأل هل سعر الدهب دلوقتى هو الأفضل للشراء وامتى أقدر أبيع لو حبيت.. و هل الدهب أفضل استثمار في الفترة الحالية، وياترى وانا بشتري أشتري سبيكة ولا أونصة خام، خلونا نعرف الإجابة في حلقتنا النهاردة.
طول عمر الدهب بيجي علية فترات ويحقق قفزات كبيرة في الأسعار، خاصة لما بيحصل أي تغيرات في العملة المحلية اللي مع انخفاضها الفترة شهدت الأسواق إقبال كبير على الشراء.
وخلال الأسبوعين الماضيين قدرت أسعار الدهب تحقق قفزات كبيرة بالسوق المحلي، واللي وصلت ل 1800 جنيه للجرام الواحد، اللي خلى الكثير من المواطنين يشتروا على أمل أنه يشهد المزيد من الارتفاع خلال الفترة المقبلة.
وبيتفاوت سعر الذهب في الأسواق زيه زي أيّ سلعة حسب حركة العرض والطلب على الشراء والبيع، عشان كدا لما زاد الطلب الفترة الأخيرة على الدهب ارتفعت أسعاره بشكل كبير.
ماذا يحدث في أسعار الذهب؟
هقولك يا سيدي لما الدهب بيغلي الناس بتخاف فبتروح بتشتري دهب مش العكس، يعني لما ينزل الناس هتبطل تشتري، لا طبعا ودا لأن الدهب دايما بيكون عليه اقبال لأنه بيعتبر وعاء استثماري جيد ووسيلة لحفظ الأموال.
طب امتى أشتري الذهب؟ وهل دا افضل وقت للشراء؟
الإجابة هي أنه هو في أي وقت وأي زمن تقدر تشتري الدهب يعني مجرد ما تتوفر معاك فلوس، ولكن الأهم إنك لما تشتري الدهب يكون بغرض الادخار و الاستثمار.
ولو أنت بتفكر تشتري الدهب بغرض الادخار أو الاستثمار يبقى لازم تفكر في شراء سبائك الذهب واللي ممكن تفضل مخزنها في البيت أو في البنك لمدة ببترواح ما بين من ٦ شهور لحد سنتين، ولما يرتفع سعر الذهب تقدرها وقتها تبيعها.
كمان لأن السبائك بيضاف عليها رسوم قليلة وفي أنواع منها مش بيكون عليها رسوم خالص وعشان كده مش هتخسر فيها لكن المشغولات الذهبية بتفقد المصنعية كاملة و 2 % من سعرها لما تيجي تبعها.
طب ازاي أشتري؟
لما تقرر إنك تشتري الذهب متشتريش بفلوسك كلها مرة واحدة لا أشتري بجزء منها بسعر الدهب اليوم لحد ما يتغير السعر ده، ولو انخفض السعر بعدها أكتر اشتري مرة تانية وهكذا.
طب أشتري سبيكة مغلفة ولا خام؟
مع الظروف الحالية التي نعيشها واللي كترت فيها عمليات النصب والاحتيال وغسيل الأموال يفضل تشتري سبيكة الذهب المقفولة ودا لأنها آمنة لك لعدة أسباب أهمها أنها مغلفة وبتكون نظيفة ومختومة من الجهات المختصة، وعليها رقم إصدار «سيريال» كمان بننصحك تحتفظ بفاتورة الشراء، ففي الحالة دي هتقدر تبيعها في أي مكان وبأي عملة.
دلوقتي قولنا أخر مرة اشتريت أو بعت فيها دهب، وهل حسيت وقتها بالندم ولا كانت بالنسبالك فرصة مثالية؟
