مسؤول يكشف مفاجأة عن مستقبل أسعار الذهب خلال الأيام القادمة

بعد الصعود المستمر في أسعار الدهب بمصر ، فجأة تجد سعره ينخفض، وهنا  يأتي السؤال المهم، هل هذا الانخفاض مؤقن أم أنه سيستمر؟

واصلا إيه اللي ببحرك سعر الدهب في مصر ومين المسؤول عن تحديده؟ طيب هل السر في ارتفاع الدولار في السوق الموازي فعلا؟

ده اللي هتعرفوه معانا في الفيديو، وعلى لسان مسؤول من الحكومة هيكشف سعر الدهب في مصر الفترة الجاية، خليكم معانا

خلال الساعات الأخيرة تراجع سعر الدهب في تعاملات سوق الصاغة بمصر ، وصحيح سعره لسة عالي لكنه قل عن 2500 جنيه للجرام عيار 21 الأكثر مبيعا في مصر.

عشان كده السؤال دلوقتي: التراجع ده مستمر ولا سعر الدهب هيزيد تاني؟

ناجي فرج مستشار وزير والتموين والتجارة الداخلية، توقع إمكانية تراجع أسعار الذهب خلال الفترة الجاية في السوق بحوالي 100 جنيه.

وده رغم زيادة الطلب حاليا على المعدن الأصفر واللي كلنت سبب في ارتفاع أسعاره.وعشان السبب ده بالذات، في تجار ليهم توقعات مختلفة بشأن مستقبل أسعار الدهب، يعني مثلا نادي نجيب السكرتير السابق لشعبة الدهب شايف إن أسعار الدهب هتزيد طالما في إقبال كبير من المواطنين على شراء المعدن الأصفر.

وده يخليك تسأل إيه سر زيادة الطلب على الدهب، وخصوصا بعد الصور اللي انتشرت على السوشيال ميديا الفترة اللي فاتت لطوابير من الناس واقفة على محلات الصاغة؟

السر ياسيدي في التوقعات بخفض جديد في قيمة الجنيه وبالتالي ارتفاع جديد في سعر صرف الدولار ، وضيف على كده كمان زيادة معدلات التضخم، وده بيخلي سراد الدهب مغري اكتر باعتباره الملاذ الآمن وسط الأزمات للحفاظ على قيمة الفلوس من التراجع.

وده برضه اللي قالته شعبة الدهب، وخصوصا مع ثبات حجم المعروص من الدهب عند التجار في مقابل ارتفاع الطلب من العملا

وهنا بقى لازم تعرف ان سعر الدهب في مصر بتجدد بناء على 3 عوامل: السعر في البورصة العالمية، وسعر تلذرلار، وحجم العرض والطلب..

وحسب هاني ميلاد، رئيس الشعبة، المسؤول عن عملية تسعير الدهب، هم تجار الخام الجملة وحاليا تسعيره بيتم بناءً على العرض والطلب.

خد بالك ان الشعبه سبق وحذرت من ارتفاع غير مبرر في أسعار الدهب بسبب المضاربات الكتير عليه.كمان في تقارير بتأكد ان تجار الدهب بيتعاملوا بسعر الدولار في السوق الموازية مش السعر الرسمي في البنك، وفي تحليلات بتقول انهم مسعرين الدولار بسعر يتراوح من 40 إلى 44 جنيه!

ولو هنتكلم عن السعر العالمي في البورصة، فغالبا المستثمرين في السوق العالمي مستنيين قرار الفيدرالي الأمريكي بخصوص سعر الفايدة، طيب ليه؟
عادة سعر الفايدة على الدولار بيكون ليه تأثير سلبي على سعر الدهب، يعني لو الفيدرالي رفع الفايدة سعر الدهب ينخفض والعكس صحيح لو ثبت سعر الفايدة أو قلله، أسعار الدهب بتزيد.

انتم كمان شاركونا بتوقعاتكم لسعر الدهب الفتره الجايه، وشايفينه رايح للارتفاع ولا انخفاض؟ ولو معاكم مبلغ هتفضلوا تشتروا دلوقتي ولا تستنوا شويه؟