كم قيمة الجنيه الموجود في محفظتك؟ لا تستغرب فأنا أسال عن سعر الجنيه وليس الدولار، فماذا لو عرفت أن سعره قد يصل إلى 24 دولار؟كما سمعت جنيه بأ 24 دولار والمشتري موجود، وإن كنت لا تصددرق الامر فتابعنا من خلال هذا التقرير وستعرف القصة كاملة:
مكدبش اللي قال إن التجارة الشطارة خصوصا بقى لما يكون عندك فهلوة المصريين، ساعتها تقدر تجيب فلوس من الهوا زي صاحبنا اللي هنشوف حكايته مع بعض.
فيغذ ماانتشرت قصته على السوشيال ميديا خلال الساعات الأخيرة، التاجر المصري بقى رمز للذكاء والتفكير خارج الصندوق.
يعني كلنا عارفين ان العالم مهووس بالحضارات القديمة وخصوصا تاريخ الفراعنة، وهنا التاجر المصري شغل دماغه واخترع حاجة اسمها سلسلة الحظ.
و دي عبارة عن سلسة متعلق فيها الجنيه المصري المعدن اللي كلنا عارفينه ومرسوم عليه قناع توت عنخ امون، وبيعرصها على موقع esty بـسعر 24 دولار للواحدة.
وحسب المتابعين الراجل المصري باع لحد دلوقتي 830 سلسلة بـ550 ألف جنيه، لأ وكمان بيقولهم أنا عامل خصم 10٪ بمناسبة الكريسماس والمتاح شراء واحدة بس قبل نفاد الكمية.
انت متخيل مكسبه قد إيه احنا بنتكلم في 24 ضعف لو حسبنا الدولار على السعر الرسمي في البنوك ب24.60 قرش تقريبا.
ولو فاكر ان الموضوع صعب، احب اقولك ان بالتفتيش ورا الموضوع ده، لقينا منصات اونلاين اجنبيه بتتباع عليها العملة المصرية بداية من الـ ربع جنيه و50 قرش والجنيه المعدني والورق بأسعار تبدأ من 2 دولار، ولو العملة المصرية القديمة ومش في السوق زي البريزة أو الشلن السعر هيبقى أعلى.
إنما بقى لو جدك كان بيحبك صحيح فابدأ دور في دفاتر العيلة القديمة يمكن تلاقي عملة تحيبلك ثروة في غمضة عين.
يعني مثلا ال 5 مليمات وصل سعرها إلى 20 ألف جنيه، بشرط تكون مصنوعة من الألومنيوم مش النحاس ومن إصدار سنة 1973 ومدون عليها صورة صقر وكتابة في الجهة التانية.
وفي عملات تانية الطلب عليها مرتفع عليها زي البريزة الورق، ودي بيوصل سعرها إلى 60 ألف جنيه، ومكتوب عليها «الدولة المصرية».
أما عملة المليم اللون الدهبي فوصل سعرها إلى 11 ألف جنيه، بشرط يكون محفورة عليها اسم المملكة المصرية، وفي نصها رقم 1 مليم، ويكون تاريخ إصدارها عام 1924.
وعندك عملة ريال السلطان فؤاد واللي ارتفع سعرها بسبب ندرتها إلى 100 ألف جنيه، ولازم يكون مكتوبا عليها اسم «السلطان فؤاد» والتاريخ الميلادي 1920 والتاريخ الهجري 1335.
كمان سعر الـ 50 قرش أو النص جنيه بيترواح ما بين 2000 إلى 5000 جنيه، بحسب نوع العملة ورقية أم معدنية وبحسب حالتها برضه، وفي بعض الأحيان ممكن سعر الإصدارات النادرة منها يرتفع إلى 100 ألف جنيه.
ودلوقتي هتدورا على العملات القديمة ولا هتجيبوا الجنيه الجديد وتعملوه سلاسل؟
\
