البنك الأهلي المصري بيقدم لعملاء البنك جوائز مالية على محفظة الأهلي فون كاش بطريقة ساهلة وبسيطة ، وحنتعرف في التقرير عن ما هي شروط الحصول علي الرصيد المجاني وبالتفصيل الخدمات التي تقدمها هذه الخدمة لعملاء البنك .
ما هي المحفظة الإلكترونية ؟
المحفظة الإلكترونية هي ابلكيشن على الموبايل تبع البنوك، تقدر تربطه بحساب بنكي لو عاوز، وممكن لأ، بيستخدم فى عمليات الدفع وتحويل الفلوس من عميل لعميل، وبيعتبر نوع من الحسابات المدفوعة مقدما، لأنك بتشحنها بالفلوس اللي بتحتاجها في دفع فواتيركالخدمة بدأت فى مصر سنة 2013
البنك الأهلي المصري أعلن عن جايزة مالية للمشتركين الجدد بمحفظة الأهلي فون كاش، خلال حملة ترويجية وكل اللي مطلوب الاشتراك وتفعيل الخدمة وإجراء اول عمليه عن طريقها ، ساعتها بيديك البنك الاهلي 50 جنيه رصيد مجاني على المحفظة.
وتقدر تشترك في محفظة الأهلي فون كاش من خلال الموقع الرسمي للبنك من غير ماتضطر تروح بنفسك لأي فرع من فروعه ، ونشر البنك الأهلي مجموعة من الشروط والأحكام الخاصة بالحملة الترويجية لمحفظة الأهلي فون كاش باسم “اشترك، فعل، اكسب” على فيسبوك، وعلى حسب المنشور، فالحملة مستمرة لغاية 31 ديسمبر 2022.
شروط “اشترك، فعل، اكسب” لمحفظة الأهلي فون كاش
وفي حالة تنفيذ أي معاملة مالية بقيمة 10 جنية مصري وأكتر ماعدا استقبال الأموال ، البنك بيضيف الجائزة المالية بمبلغ 50 جنيه مصري على رصيد المحفظة، وإضافة المبلغ على محفظة الفون كاش بيتم أسبوعيا بداية من تاريخ انطلاق الحملة ومن حق العميل المنطبق عليه الشروط الحصول على الجايزة مرة واحدة بس خلال فترة الحملة.
اما لو اشتركت في الخدمة من غير ماتفعلها لمدة 3 شهور، ففي الحالة دي مش حقك الاستفادة بالجايزة وبتوفرلك محفظة الأهلي فون كاش مجموعة مميزات زي التحويل الفوري للأموال من محفظة البنك لأي محفظة داخل مصر بالجنيه المصري واستقبال التحويلات البنكية من أي حساب للمحفظة مباشرة.
وتقدر تستخدم المحفظة في الشراء عن طريق الانترنت بانشاء بطاقة افتراضية للاستخدام مرة واحدة، صالحة لمدة 24 ساعة فقط يمكن استخدامها محليا وعالميا.
كمان بتوفر المحفظة خدمات فورى زي شحن رصيد ودفع فاتورة الموبايل وخدمات ترخيص المرور ودفع المخالفات والتبرعات وسداد خدمة ال ADSL ودفع فواتير الكهرباء والماء والغاز وخدمات غيرها.
دا غير خدمة السحب والإيداع النقدى من خلال فروع البنك وماكينات الatm الخاصة بيه والبنوك التانية اللي عليها لوجو “ميزة” بالاضافة لمنافذ فوري على مستوى مصر
وبتوفر المحفظة خدمة المشتريات من خلال استخدام رمز الاستجابة السريع عن طريق الفون كاش
وتقدر تشحن المحفظة ببطاقات ميزة وماستركارد وفيزا (ائتمان – الخصم مباشر – المدفوعة مقدما – المرتبات) الصادرة من البنك الاهلي المصري
