الآن المصريين بالخارج يمكنهم أن يدخلوا مشترياتهم من الذهب لـ مصر لكن بالطبع بشروط وضوابط معينة حددتها الحكومة، لكن السؤال هنا ، ما هي تلك الشروط وهل تم تحديد كمية معينة من الذهب للدخول ضمن المبادرة؟ تابعونا لمعرفة تفاصيل كثيرة.
لو انت من مصري وعايش في الخارج يبقى أكيد يهمك تعرف كل حاجة عن قرار دخول المشغولات الذهبية للمصريين بالخارج،في البداية لازم تعرف إن الحكومة قررت توافق على مشروع قرار إعفاء واردات الدهب من الخارج من الرسوم والضريبة.
وحسب تصريحات الدكتور إبراهيم عشماوي مساعد أول وزير التموين لـ برنامج على مسؤليتي قال إن المواطن بيلجأ للاستثمار في الدهب عشان بيدي للفلوس قيمة وعشان كده مصر دمغت 60 ألف طن من الدهب في 2022 في مصلحة الدمغة.
وقال كمان إن في إقبال كبير على شراء السبايك والجنيهات الدهب من المواطنين وإنه زاد نسبة شرائها من 60 لـ 70% عن السنة اللي فاتت.
ولما اتسأل عن أسباب ارتفاع الأسعار جاوب وقال إن سعر الجنيه الدهب وصل لـ 22 ألف جنيه وبكده يكون زاد 3 أضعاف عن السنة اللي فاتت وعشان كده الحكومة عملت مقترح إعفاء واردات الدهب من الرسوم والضريبة للمصريين القادمين من الخارج عبر المنافذ وده لمدة 6 شهور بس.
وإن القرار ده بيستهدف زيادة المعروض من الدهب ف السوق وبكده الأسعار تستقر الفترة الجاية، وإنه شايف إنه من حق المصريين اللي جايين من برة يدخلوا إي كميات من الدهب مقابل انهم يدفعوا القيمة المضافة بس وده عشان يحصل نوع من التوازن في الأسعار، لكن هو كان شايف إن الأسعار في مصر مش هتختلف عن الأسعار في الإمارات والسعودية.
وقال إن المشروع اتحول بالفعل لمجلس النواب وده عشان يتم تطبيقة وإقراره رسميا، وده لأنه شايف إن القرار ده هيعمل نوع من الاستقرار في أسعار الدهب في الأسواق ولمدة 6 شهور كمرحلة أولى.
طيب يعني كدة المصريين بالخارج هيدخلوا الدهب بدون ضرايب ولا رسوم؟
حسب الكلام اللي صرح بيه لجريدة المصري اليوم الدكتور ابراهيم العشماوي، رئيس قطاع تنمية التجارة الداخلية
ةقال إنه مفيش جمارك ولا قيمة مضافة على مشتريات الذهب من الجنيهات الذهبية والسبائك للعائدين من الخارج، لكن القيمة المضافة اللي بتحدد بتكون على المشغولات الذهبية بس وبتتراوح ما بين من ٦ إلى ١١ جنيها للجرام.
وحسب كلامه ف المصريين اللي راجعين من الخارج هيدفعوا قيمة مضافة على المشغولات الذهبية، واللي بتكون على حسب جرامات الذهب مش القطعة.
أما نادي نجيب، عضو شعبة الذهب والمجوهرات باتحاد الغرف التجارية، فكان شايف إن المشغولات الذهبية اللي بتستخدم كاستخدام شخصى معفية من الجمارك بالفعل.
وفي تصريحات لجريدة الأهرام قال انه المقصود من القرار، هو تشجيع تقنين شراء الجنيهات والسبائك الذهبية من الخارج، وده عشان يخففوا الضغط على حالة الطلب المتزايد على شراء الذهب.
دلوقتي قولنا رأيك في قرار الحكومة بالسماح للمصريين بالخارج بجلب مشغولات ذهبية؟
