لو انت اشتريت ذهب بالسعر الغالي ماذا ستفعل بعد ما ان انخفض اكثر من 400 جنيه خلال اسبوع؟ يا ترى هل تبيع أم تنتظر ؟ تابعونا لمعرفة مصير سعر الذهب خلال الأيام القادمة:
مجلس الوزراء اعلن من فترة عن اعفاء واردت الدهب من الجمارك وده خلي اسعاره تنزل اكتر من 400 جنيه خلال اسبوع، وخلي ناس كتير تفكر تبيع دهبها دلوقتي عشان خايفة يتراجع اكتر من كده وتخسر مبالغ اكبر، لكن استني متبيعش اي دهب دلوقتي.
وده لأن احمد معطي الخبير الاقتصادي والمدير التنفيذي لشركة أي ماركتس قال في تصريحاته لجريدة الشروق ان اللي اشترى دهب خلال الفترة اللي فاتت ميبعهوش والا هيخسر مبالغ كبيرة جدا
وقال ان الدهب مهما اسعاره نزلت هترجع ترتفع تاني لكن ده على المدى الطويل و ان الاحتفاظ بالدهب مش خسارة بالعكس
وقال ان اللي اشترى دهب الفترة الاخيرة ده هيخسر مبالغ كبيرة اوي لو باعه دلوقتي وعشان كده احنا كنا بنحذر ونقول محدش يشتري دهب في الوقت ده
الوقت المناسب لشراء الذهب
احمد معطي كمل كلامه وقال ان الوقت المناسب لشرا الدهب يكون في اول الازمة او في اخرها لكن الوقت الحالي ميبنفعش نبيع ولا نشتري دهب فيه
وعلى فكرة ده قال كمان ان السعر الحقيقي للدهب هو 1900 جنيه بس، ولما اتسال هل الدهب ممكن يرجع يرتفع تاني و يوصل ل 3000 زي ما حصل الفترة الاخيرة؟
رد وقال ان صعب الدهب يرجع يرتفع تاني بالطريقة اللي كنا بنشوفها لكن هو هيستمر في الانخفاض وبعدين هيستقر تاني و هيرجع ينخفض و يرتفع لكن بالمعدل الطبيعي
مش بس كده ده قال كمان ان الدهب هينخفض بشكل كبير لأن تاثير قرار اعفاء الوردات لسه مأثرش في حالة السوق اوي و ان انخفاض الدهب ده كان من قبل ما يستورد المصريين الدهب من بره.
وده نفس الكلام اللي قاله ناجي فرج مستشار وزير التموين في تصريحاته لليوم السابع في شهر ابريل اللي فات وساعتها كان جرام الدهب وصل لمستوي تاريخي محصلش قبل كده وعيار 21 وصل ساعتها ل 2850 جنيه.
ناجي فرج صرح وقال ان سوق الدهب في الوقت الحالي مش مستقر والسعر المعروض حاليا مش بيعبر عن سعره الحقيقي
ولما اتسال عن السعر الحقيقي للدهب رد وقال ان السعر العادل ليه هو 1900 جنيه بس، يعني كنا نتكلم في فرق سعر 1000 جنيه تقريبا.
وكمل وقال ان اللي عايز يشتري دهب يصبر شوية لحد السوق ما يستقر، وقال كمان ان الدهب هينخفض الفترة الجاية لأن السبب في ارتفاعه هو ارتفاع الشرا بسبب خوف الناس انه يزيد أكتر
ودلوقتي قولنا هتشتري دهب امتى؟ وهل تترفع ان سعره يوصل للسعر العادل 1900 جنيه، ولا برضه هيفضل سعره أعلى؟
