مبادرة الاحلال بالرغم من الزيادات التي اعلتنها في الايام الماضي التي تخطت 100 الف جنية .. لكن مازالت تقدم عربيات من خلالها بسعر تنافسي عن السوق و بخصومات و تسهيلات لن تجدها في أي مكان، تابعنا لتتعرف علي ارخص عربية من مبادرة الاحلال
ارخص العربيات الي بتقدمها مبادرة الاحلال هيا السيدان شيري اريزو 5 و الي بتتقدم من خلال وكيها جي بي غبور اوتو و بتتقدم بضمان 100 ألف كيلو او 5 سنين .
نبدأ بأول حاجة في الاريزو 5 .. وهيا المحرك:شيري اريزو 5 2023، بتيجي بموتور 4 سلندر.. 1500 سي سي تنفس طبيعي.بيطلع 114 حصان .. وعزم دوران 141 نيوتن في متر، ومتوصل بفتيس 5 غيار مانوال او فتيس اوتوماتيك CVT
العربية بتستهلك 7 لتر لكل 100 كيلو متر، وبتتسارع من الثبات حتي 100 كم/س، خلال 11 ثانية ونص، و تانك العربية حجمه 48 لتر.
اما عن تاني حاجة وسائل الامان وانظمة السلامة:العربية بتيجي بمجموعة من وسائل الامان الممتازة في فئتها ..العربية بتنزل بـ 2 أير باج و فرامل مانعة للانغلاق ABS ونظام التحكم في الالكتروني في العجلات ESP.
ونظام TCS للتحكم في قوة الجر، وتوزيع اليكتروني للفرامل (EBD) ونظام إيموبليزر ضد السرقة.ونروح لتالت حاجة الشكل الخارجي:
العربية شكلها الخارجي شبابي و عصري ودا كان من الحاجات المهمه الي خلت العربية تتنتشر بشكل كبير في الشوارع و الناس تسال عليها .. و شكلها انسيابي جدا..
العربية بتيجي بأضاءة نهاريه ليد.. وفوانيس هالوجين و تحكم في ارتفاع الاضااءة الامامية و شبكه امامية مطعمه بالنيكل كروم .. و مريات جانبية كهربائية بالكامل و بها اشارات.
وچنوط سبور مقاس 16 بوصه الومنيوم و مقاس الكاوتش 205 علي 55..ونتكلم عن رابع حاجة و هيا داخلية الأريزو 5:
العربية من الداخل المواد المستخدم فيها بلاستيك.. لكن دا طبيعي ففي الفئة السعرية دي .. ولكن بالرغم من كدا طابلوه العربية جاي بشكل عصري و حديث.
بتيجي بريموت كنترول وفيها أمكانية فتح شنطة العربية بالريموت كنترول وطارة مالتي فانكشن وزجاج كهربائى بالكامل، وتكيف هواء و مثبت سرعة.
وبتنزل بعدادت انالوج و فيها شاشة لعرض معلومات الرحلات..وفيها 4 سماعات و USB وAUX و بلوتوث، و المساحات الداخلية كويسة جدا للعربية .. يعني عربية عائلية بأمتياز .. وكمان شنطة العربية واسعه و بتوصل لـ 430 لتر..
و نتكلم اخيرا علي الاسعار:
العربية بتتقدم في مبادرة الاحلال في خلال فئتين بسعر يبدأ من 353.125 جنيه للفئة الأولى، و418.125 جنيه للفئة الثانية
و الاسعار دي شاملة الاسعار المعلنه من الموقع الرسمي لمبادرة الاحلال.. شاملة قيمة خصم الحافز الاخضر و كمان شاملة قيمة جهاز الغاز الطبيعي و تركيبة..
و لو فكرت تقسط المبادرة بتقدملك قرضض السيارة من خلال 30 بنك بفائدة 3% بس و كمان تقسيط لحد 10سنين وكمان المبادرة بتقدملك موديلات تانية من علامات تانية.. و الاختيار في الاخر ليك لكن متنساش تتابعنا علي الاموال بلس عشان يوصلك كل جديد.
