كل من يبحث استثمار آمن بعائد مضمون بعد توقف شهادة الـ25% من البنك الأهلي ومصر، نحن نطمئنك حيث أنه توجد بدائل كثيرة سوف نكشفها من خلال التقرير التالي فتابعونا:
كلام كتير انتشر بعد إعلان بنك مصر والأهلي عن وقف شهادات الـ25%، وناس قالت إن في شهادات بعائد أكبر بكتير ممكن تنزل الفترة الجاية، وناس تانيه كانت شايفة إنه خلاص مفيش شهادات تاني!
بس الأكيد إن كل اللي عايز يستثمر فلوسه ويحافظ عليها بعيد عن خطر التضخم قدامه حلول كتيرة بتقدمها البنوك المصرية، وده لأنها بتطرح شهادات ادخار بـ عائد مغري.
ولو بتسأل ليه في استمرار في طرح الشهادات هقولك يا سيدي لازم البنوك تعمل كده عشان تستمر في جذب السيولة المحلية خاصة بعد قرار وقف بيع شهادات البنوك الحكومية بـ عائد 22.5 و25%، واللي جذبت حوالي 460 مليار جنيه.
والفترة دي في بنوك كتيرة طرحت شهادات بعائد مرتفع تقدر تستثمر فيها فلوسك زي البنك العربي الإفريقي الدولي اللي طرح شهادة ادخار جديدة بسعر فائدة 22.5% يوم 30 يناير اللي فات بحد ادنى 5000 جنيه ومضاعفاتها بعائد بعد 18 و20% تقدر تصرفها بشكل شهري
وتقدر كمان تفتح حساب توفير جولد بسعر فائدة 20%
وده لأن البنك العربي الأفريقي رفع سعر الفايدة على حساب التوفير جولد ووصلت لـ 18% بشكل شهري و18.5% تتصرف ربع سنوي و 19% عائد يتم صرفه بشكل نصف سنوي و20% يصرف سنويًا.
أما بقى بنك أبو ظبي التجاري فطرح شهادة جديدة بسعر عائد 18.5% لمدة 3 سنين وتقدر تصرف العائد بتاعها بشكل سنوي.
وخلي بالك إن الحد الأدني لشراء الشهادة دي يبدأ من 100 ألف جنيه، ومضاعفاتها.وعندك كمان بنك المشرق طرح الفترة اللي فاتت شهادة ادخار ثلاثية بعائد 18.75% وتقدر تصرف العائد بتاعها كل شهر بس خلي بالك الحد الأدنى لشراء الشهادة دي بيكون 5000 جنيه
ولو معاك قرشين على جنب وعاوز تستثمرهم صح تقدر تشتري شهادة الادخار الثلاثية من بنك الكويت الوطني بسعر فائدة 18.5%، واللي بتكون بحد أدنى للشراء 500 ألف جنيه وده لأن العائد بيكون ثابت طول مدة الشهادة .
أما بقى لو انت قررت تروح لـ بنك الأسكندرية فلازم تعرف إنه طرح الأيام اللي فاتت شهادة ادخار ثلاثية بعائد 18% تقدر تصرفها بشكل شهري
عندك كمان شهادة الإدخار الثلاثية اللي طرحها البنك الأهلي المتحد مؤخرا واللي بتديلك عائد ثابت 17.25% يصرف سنويًا.
وعندك كمان البنك الزراعي المصري نزل أفضل سعر للودائع الثلاثية بسعر عائد 8.75% لمدة 3 سنين وكمان لو حطيت وديعة بالمبلغ ده هتقدر تاخد قرض بضمانها بنسبة 85% من قيمة الوديعة الأصلية.
ولو انت على المعاش ممكن تستفيد من قرار البنك الأهلى برفع الفائدة على حساب المعاشات لـ 9% ، واللي هيسمحلك تستثمر في شهادة شهرية العائد وده لو حطيت مبلغ 500 ألف جنيه وهتقدر وقتها تاخد عائد شهري 3700 جنيه.
دلوقتي قولنا لو معاك مبلغ وعايز تستثمره هتختار أنهي شهادة في دول؟
