نشر نجل الراحل سليمان عيد منشورا جديدا عبر انستجرام؛ بعد عزاء والده.
حيث كتب: أبويا يا أحلى ضحكه في حياتي.. إمبارح وانهارده كل الناس جاتلي و دعيتلك.. الحمدلله والشكرلله على نعمة حب الناس ليك.. متخافش يا حبيبي انا كنت واقف راجل.. و هفضل راجل زي ما علمتني و كبرتني.
واضاف: قلبي موجوع اوي اوي يابويا بس والله العظيم مطمن انك في احلى و اعظم مكان في الدنيا دي وده اللي مصبر وجعي.
واختتم: بحبك يا حبيبي وسندي وضهري .. وحشتني
كشف نجل الفنان الراحل سليمان عيد، تفاصيل وكواليس وفاة والده، مؤكدًا أن الوفاة كانت طبيعية ولم يمكن مريضا قبل رحيله.
نجل الراحل سليمان عيد: مكنش تعبان والوفاة طبيعية
وقال عبد الرحمن، نجل الفنان الراحل سليمان عيد، إنه فوجئ بحب أصدقاء والده الشديد للراحل خلال مراسم التشييع، قائلًا: كل الحب اللي شفته في الجنازة ده من حب ربنا لوالدي، ومش عايز غير إن الناس تدعيله بالرحمة والمغفرة وربنا يلحقنا بيه جميعا في الجنة.
وأضاف نجل سليمان عيد: الوفاة كانت طبيعية وكانت قضاء وقدر.. وربنا رحمه من أي تعب أو من إحساس بالتعب الحمد لله.
ونعى الفنان صلاح عبد الله، صديقه الراحل سليمان عيد، معربًا عن حزنه الشديد لفقدانه بعدما رحل عن عالمنا بشكل مفاجئ بسبب تعرضه لأزمة قلبية.
وقال صلاح عبد الله، خلال مداخلة هاتفية مع الإعلامي عمرو أديب، في برنامجه الحكاية: إنا لله وإنا إليه راجعون، نحمده على كل حال وبندعيله ربنا يكرمه ويرزقه بالنعيم الخالد ويصبر أسرته، صدمة المفاجأة كانت فظيعة أوي، أنا مش عارف أقول إيه، ده عشرة تجاوزت 25 سنة، من أيام ما كنت في الجامعة وهو كان لسه في خطواته الأولى.
