الآن معظم الخدمات أصبحت تتم بشكل الكتروني ومن على النت، وبأقل تكاليف، وهذا النظام الذي بتعامل به العالم كله، لذلك فإن مصر تسعى لمواطبة التطور الذي يشهده العالم، وسوف تحول كل تعاملاتها البنكية لرقمية، وبدون أي تكاليف، بالعكس هي لغت أغلب الرسوم والمصاريف التي تضاف على الخدمات، فالآن نستخدم أي خدمة بنكية بدون حمل هم الرسوم الزيادة التي يضم إضافتها.
البنك المركزي المصري كل يوم بقرار ومفاجأت، بس انهاردة مفاجأة حلوة وفي مصلحتنا، وكمان هو عايز يقلل الاعتماد على اوراق النقد، طب يعني ايه الكلام ده؟
يعني هيشجع الناس انها تشترك في الخدمات البنكية الالكترونية عن طريق انه قرر يعفي العملاء من كل المصاريف، والعمولات الخاصة بخدمات التحويلات البنكية للأفراد، واللي بتبقى عن طريق الانترنت والموبيل البنكي، ودي فرصة مش هتتعوض، بس ميزيتها انها هتفضل مستمرة معانا طول سنة 2023، من اول يوم في يناير لغاية 31 ديسمبر.
وكمان المنظومة الوطنية للمدفوعات اللحظية، اللي اعلن عنها البنك في شهر 4 اللي فات، العملاء المشتركين فيها هياخدوا برضو إعفاء من كل المصاريف والعمولات اللي بتنزل على التحويلات اللحظية.
وده لان المنظومة دي من اهم مشاريع نظام الدفع اللي البنك المركزي بيهتم بيها اوي، عشان هتكون بديل للدفع النقدي، وتقدر منها تحول الفلوس في اسرع وقت في اي وقت واي يوم.
وفعلا المنظومة دي محققة الهدف منها ووصلت قيمتها لـ45 مليار جنيه، وفي اقل من 8 شهور، وصلت تعاملتها لاكتر من 8 مليون معاملة، من ابلكيشن انستا باي، وقنوات البنك الالكترونية.
ومش ده بس اللي البنك قرر يعفيها من الرسوم، لا كمان لو عندك شركة متناهية الصغر أو متوسطة، متقلقش من الرسوم، لانه هيلغي اي رسوم بتتضاف عشان تفعل خدمة التحصيل الالكتروني من النت، وده عشان يحفزك انك تستخدم الخدمات المالية الرقمية اكتر من النقدية
وكمان لو انت بتستخدم محفظة الموبايل، دلوقتي هيبقى فيه تسعيرة جديدة عليها، ولو انت لسه اول مرة تستخدمها، وعايز تحول فلوس من محفظتك لمحفظة تانية، هتاخد اعفاء نهائي من مصاريف التحويل.
وفي اي وقت تاني هيبقى في حد اقصص للمصاريف اللي بتتحملها في خدمة التحويل وقيمتها مش هتزيد عن جنيه واحد بس .
لكن خلي بالك لو هتحول فلوس بين محفظتين مش تابعين لنفس البنك، هيبقى الحد الاقصى للرسوم 15 جنيه للتحويل، واللي شجع البنك على تحديد الرسوم انه في اقبال كبير من الناس على محفظة الموبايل، وفي حوالي 29.5 مليون حساب عليها، والعدد دايمًا بيزيد، والناس بتتمد عليها في تحويلاتها البنكية.
والدولة بتعمل كل ده لانه بقالها فترة كبيرة بتسعى انها تخلي المواطنين يستخدموا الخدمات المالية الرقمية، ويستفادوا انهم ينجزوا خدماتهم في اسرع وقت ومن أي مكان.
لغاية ما توصل لمرحلة انها خلاص مش بتعتمد على الورق النقدي غير قليل جدًا، واللي مساعدها على كدا انها تنزل مميزات اكتر ان الناس عندها قابلية انها تستفاد من الخدمات الالكترونية.
طلاما من الموبايل لانه كدا كدا في إيدينا طول الوقت، عشان كدا وفر على نفسك واستفيد من الخدمات البنكية الالكترونية، وارحم نفسك من مشوار البنك.
