قدرت الأرجنتين أن تحصل على لقب كأس العالم بعد فوزها بالأمس على المنتخب الفرنسي بركلات الترجيح، مع توقعات بانتعاش اقتصادها بعد الفوز، خاصة وإنها ستجني مكاسب اقتصادية كبيرة بعد تحقيقها للقب.
طب إزاي ممكن الأرجنتين تستفاد من البطولة اقتصادية في الوقت اللي بيعاني فيه العالم كله من متاعب اقتصادية كبيرة بسبب أزمة التضخم وارتفاع الأسعار، وهل هينتعش الاقتصاد المحلي الارجنتيني ده اللي هنعرفه في حلقتنا النهاردة:
بيعتقد خبراء الاقتصاد في العالم إن الفائز في بطولة كأس العالم الدولية هيحقق نمو اقتصادي كبير وده لأن الأضواء بتكون عليه مع ظهور مؤشرات ايجابية للاقتصاد، وده اللي حصل فعلا لما قدر الأرجنتين تاخد كأس العالم في 2002.
ولو إنت متعرفش فالأرجنتين حاليًا وضعها الاقتصادي صعب جدا وده بعد مع غرقت في ديونها البالغة 150 مليار دولار، منهم 44 مليار دولار دين لصندوق النقد الدولي نتيجة قرض تم منحه لها في عام 2018، دخلت بعده في حالة من الركود الاقتصادي خاصة وسط تداعيات جائحة كورونا.
ده غير إن معدل التضخم في الأرجنتين اقترب من 100%، دي كمان بتعاني من جفاف يهدد بخفض صادرات المحاصيل العام المقبل.
وده اللي خلى الأرجنتين خلال الشهور الأخيرة تحاول توصل لاتفاق جديد لسداد الدين مع صندوق النقد الدولي وده بعد ما كان المفروض تسدد 19 مليار دولار من ديونها البالغة 44 مليار دولار لصندوق النقد الدولي ومقدرتش تعمل ده.
وفعلا فدرت تحصل الأرجنتين على “فترة سماح” تبدأ بعدها سداد الدين على دفعات اعتبارا من العام 2026 وحتى العام 2034، في مقابل تقيّدها بخفض عجزها المالي بشكل تدريجي من 3%، العام 2021 إلى 0.9%، فقط العام 2024.
هل الكرة تقدر تساعد الأرجنيتين؟
الإجابة هي أيوة فعلا الكرة ممكن تغير مصير الدول، خاصة وإن الدراسات بتأكد إن النجاح في أكبر حدث رياضي زي كأس العالم ممكن يعزز النمو الاقتصادي.
مش بس كدا ده مجرد وصول الفرقة لـ ربع النهائي سبب كافي لزيادة الصادارات وتنويه تجارة البلد اللي بيتم اللعب بأسمها، ودي طبعًا أخبار تفرحنا كعرب خاصة وإن المغرب قدرت توصل لـ نصف النهائي في البطولة.
ولو إنت هتقارن بين الاقتصاد الفرنسي والأجرجنتيني فـ الأرجنتين بتتمتع بواقع اقتصادي أفضل من فرنسا في الفترة الحالية وده بيخليها أكثر قابلية وقدرة على جني الفوائد وتعزيز الصادرات، وده معناه أن اقتصادها الكلي سوف هينتعش بأكثر من التوقعات بعد ما حصلت على كأس العالم.
تفتكروا بطل كأس العالم بياخد كام ؟
بص ياسيدي الاتحاد الدولي لكرة القدم “فيفا” بيدعم كل المنتخبات المشاركة في البطولة بجوائز مالية ضخمة، عشان يحفزهم من ناحية ويطور رياضة كرة القدم في كل البلاد من ناحية تانية.
وطبعا جائزة المنتخب الذي اكتفى بالتواجد في دور المجموعات من المونديال مش هتكوز زي جائزة البطل، ولكن في النهاية هتكون كفاية لتأمين احتياجات الفريق لفترة طويلة.
وتبدأ الجوائز المالية لبطولة كأس العالم 2022 من 9 ملايين دولار، وبيحصل البطل على 42 مليون دولار نظير الحصول على درع المونديال.
تفتكروا بقا المبلغ ده كفاية لسداد ديون الأرجنتين ونهوض اقتصادها؟
