هل تعتقدوا أنه بعد ارتفاع سعر الدولار والذي تخطى سعره الأيام المتضية حاجز الـ30 جنيه، ممكن البنوك تطرح شهادات بعائد أعلى من 25%، يعني هل من الممكن أن نجد مثلا شهادات بعائد 30% بعد ما حققت شهادات البنك الأهلي أعلى مبيعات خلال الفترة الماضية، وكان هناك إقبال كبير عليها بين المواطنين.
ولو لسه مشترتش شهادة الـ25% الجديدة فـ رئيس بنك مصر كشف مفاجأة لكل المصريين، تابعنا الحلقة دي واعرف كل حاجة عن الشهادات الجديدة:
إشاعات كتير بتتكلم عن طرح شهادات جديدة بعائد 30% في البنوك المصرية، ومبقاش في أي كلام ممكن نستغربه بعد ما ارتفعت أسعار الدولار وتراجع الجنيه بشكل كبير خلال الفترة اللي فاتت.طيب تفتكروا الكلام ده حقيقي؟
حسب تصريحات رئيس بنك مصر، محمد الأتربي ، قال إنه بخصوص الشعائات اللي بتقول إن في شهادات هتطرحها البنوك بفايدة أكبر من 25% مش حقيقية خالص، و إنه الكلام ده مش منطقى يحصل خاصة وإنه في اعتقاده مفيش بقند هيقدر يصدر شهادة بعائد أكبر من اللي أصدرها البنك الأهلي ومصر، وده لأنه بيكلف البنك فلوس كتير وبيأثر على ربحيه البنوك
لكن أكد “الاتربي” كمان إن الشهادة الادخارية الجديدة اللي طرحها البنك الأهلي ومصر، واللي نزلت بعائد سنوي بنسبة 25% ، وشهري بنسبة 22.5% وإن الشهادة مدتها عام واحد فرصة كويسة لأي حد عايز يتسثمر فلوسه وده لأنها بتقدم العائد الأعلى على مستوى الجهاز المصرفي من سنين طويلة.
من الكسبان من طرح الشهادة ؟
حسب كلام رئيس بنك مصر فـ العملا هم أكثر ناس كسبانة من وجود شهادة مرتفعة العائد بنسبة 25% واللي نزلت من البنك الأهلي وبنك مصر، وده لأنها هتساعد المواطنين على زيادة أرباحهم وده عن طريق إنهم هياخدوا عائد شهري يساعدهم على سداد مصاريف حياتهم اليومية بعد ارتفاع معدل التضخم اللي ساعد في زيادة الأسعار.
قال كمان إن شهادة الـ25% متحددش هتستمر قد إيه ولكن مش متوقع إنها هتفضل كتير ، خاصة وإنها مكلفة للبنكين ومفيش بنك يقدر يعمل زيهم وينزل شهادات بنفس العائد.
هل ستتأثر القروض؟
المفأجأة إنه رئيس بنك مصر قال أن بنكي مصر والأهلي هيتحملوا التكاليف العالية للشهادات الجديدة، كمان هيتحملوا انخفاض الأرباح وده كله هيكون في سبيل دعم الاقتصاد الوطني، ومش هيرفعوا أسعار الاقتراض.
يعني كل اللي عايز قرض يقدم عليه دلوقتي، لأ،ه حسب تصريحات رئيس بنك مصر فـ متقلقوش لأن البنك ملتزم بالنسبة اللي حددها البنك المركزي وهي 16.25%، و17.25% و16.75%، على الترتيب، وده لانه من وجهة نظره ده الدور الوطني اللي لازم يقوم بيه لدعم الدولة خلال الفترة الجاية .
الهدف من إصدار الشهادات
رئيس بنك مصر قال إن الهدف من الشهادة الإدخارية اللي بتصدرها البنوك إنهم يساعدوا الحكومة تخفض نسب التضخم لحد ما توصل للفترة اللي كانت قبل أزمة كورونا كمان بيستهدفوا مواجهة السوق السوداء ودلورة الدولار.
ولكن أكد إن في إقبال كبير من المواطنين خلال الأيام القليلة اللي فاتت لشراء الشهادات، وده اللي خلى حجم مبيعات الشهادة “البلاتينية” الجديدة يتخطى 155 مليار جنيه وده خلال أيام بس من وقت طرحها.
قولنا رأيك في شهادة الـ25% الجديدة وهل متوقع إنها تحقق الهدف المطلوب منها؟
