بعد ما الأزمة الروسية الأوكرانية زادت.. وأثرها على الدول كلها ومن بينهم مصر أصبح أكبر، قامت البنوك المصرية بتحديد قيمة محددة للحصول على الدولار، وهذا عند السفر للخارج، ويوجد العديد من البنوك التي أرسلت رسائل للعملاء بأن الحد القصى للسحب الدولاري خارج مصر تم تغييره، إن كنت على سفر وتحتاج عملات اجنبية فكيف يمكن ان تتصرف ؟ هذا ما نتعرف عليه من خلال التالي:
المصريين اللي عايزين يسافروا.. قدامهم 4 طرق متاحة للحصول على أي مبلغ من العملات الأجنبية.. سواء دولار أو يورو.. أو أي عملة معترف بيها دوليا.. وده قبل وخلال السفر برة مصر.. وخاصة بعد تضييق بعض البنوك حدود السحب والمشتريات.
بعض البنوك في بداية من شهر أكتوبر اللي احنا فيه.. عملوا تخفيض على حدود السحب من ماكينات الصراف الآلي من برة مصر.. باستخدام بطاقات الخصم المباشر.. المربوطة بحساب العميل.. وده بعد ما البنوك اكتشفت سوء استخدام من بعض العملاء.. وإجراء معاملات أكتر من المعتاد.
طبعا البنوك المصرية بتتيح للعملاء استخدام بطاقاتهم المصرفية المقومة بالجنيه المصري باختلاف أنواعها برة مصر.. وده للشراء أو السحب النقدي بعملة الدولة المتواجد فيها العميل.. وده بيتم من خلال نظام سويفت عالمي.. بيسمح بتبديل العملة المتوفرة في رصيد الكارت اللي العميل بيستخدمه في البلد اللي موجود فيها.. وبيكون ده مقابل خصم عمولة لإتاحة الخدمة.
البنوك خفضت حدود السحب النقدي بنسبة بين 50%.. ووصلت في بعض البنوك إلى أكتر من 90%.. وبرضو المشتريات في بنوك تانية.. مع الإبقاء على نسبة العمولات ورسوم الخدمة بدون تغيير.
4 طرق للحصول على العملة قبل وخلال السفر خارج مصر
اول طريقة.. ان العميل يشتري من الجهاز المصرفي، ودي طريقة البنوك بتقدمها للعملاء.. وبتكون عبارة عن شراء أي عملة أجنبية قبل السفر.. بشرط إن العميل يدم تذكرة وجواز السفر والتأشيرة لموظف خدمة العملاء قبل موعد السفر بـ 48 ساعة.
وهنا البنوك بتدر تدبر للعملاء المبلغ المطلوب، بشرط انه ميكونش اكتر من ألف دولار أو ما يعادله من العملات التانية للدولة اللي العميل هيروحها.. زي اليورو أو الريال السعودي أو الدرهم الإماراتي أو الدينار الكويتي.
وأي عميل يقدر يشتري الدولار أو اليورو لما يسافر لأي دولة.. وبمجرد وصوله.. يروح لأقرب شركة صرافة لاستبدال الدولار بعملة الدولة اللي موجود فيها..
تاني طريقة.. هي شركات الصرافة.. ومنها يقدر العميل يشتري الدولار من الصرافة قبل السفر.. وهو بيكون مسموح له بحدود كاش في المطار.. بقيمة متعديش 10 آلاف دولار برة مصر.
تالت طريقة.. هي السحب من ماكينات الصراف الآلي برة مصر.. وهنا البنوك بتتيح للعميل لحد دلوقتيب السحب الكاش من أي ماكينة برة مصر باستخدام كارت الخصم المباشر.. أو كريدت كارد.. أو الكارت مسبق الدفع.. بنفس عملة الدولة اللي موجود فيها العميل.
وخفضت البنوك حدود السحب النقدي برة مصر من بين 5 آلاف و25 ألف دولار شهريا.. إلى 500 دولار.. وفي بعض البنوك 1500 دولار.
والبنوك بتقدم الخدمة دي.. مقابل عمولة على استبدال العملة.. واستخدام ماكينة برة مصر.. وتتراوح عمولة استبدال العملة بين 3 أو 4%.. بالإضافة لرسوم تتراوح بين 30 إلى 50 جنيه على كل سحبة.أما عمولة استخدام ماكينة خارج مصر فبتكون حوالي 3%.. وبتروح للبنك اللي تم استخدام الماكينة التابعة له.
رابع طريقة.. هي الشراء من ماكينات بوينت أوف سيل.. ودي البنوك بتتيحها للعميل.. ويقدر من خلالها يسدد مشترياته برة مصر باستخدام الكارت الخاص بيه بحدود أكتر مرونة.. مقارنة بالسحب النقدي.. وده بيكون مقابل نسبة عمولة مش بتتعدى 3% من قيمة إجمالي المشتريات..
