قانون المعاشات الجديد ساعد ناس كثير جدا في تحسين دخلهم وهذا لأنه أعلن عن صرف معاش استثنائي لفئات معينة.
ياترى من هما هذه الفئات وكم قيمة المعاش وما الأوراق المطلوبة للحصول عليه؟ تابعونا لمعرفة التفاصيل:
كتير من الناس بتدور على أي مصدر عشان تحسن دخلها وعشان كده الحكومة أعلنت عن صرف معاش استثنائي لبعض الفئات وده عشان يقدروا يواجهوا الظروف الإجتماعية ويعيشوا حياة كريمة
لكن السؤال هنا مين يا ترا الفئات اللي من حقها تصرف المعاش الأستثنائي؟
الهيئة القومية للتأمين الإجتماعي أعلنت عن طريق موقعها الإلكتروني إن في 4 فئات بس هما اللي يستحقوا المعاش ده وهما:
-الموظفين اللي كانوا شغالين في الحكومة وفي شركات القطاع العام واللي مخدوش معاش لأي سبب دول من حقهم معاش استثنائي
-ده كمان بيتصرف بشكل استثنائي للموظفين السابقين اللي بيعانوا من مشاكل صحية عشان يحسنوا دخلهم
-و كمان بيتصرف للي بيعاني من ظروف إجتماعية بيروح يقدم طلب المعاش عشان يحسن دخله
– وكمان بيتصرف للي عمل خدمات جليلة للدولة
-وللمتضررين هيئة التأمين الاجتماعي أقرت معاش استثنائي ليهم
بس السؤال هنا ايه هي الأوراق اللي بتتقدم عشان أخد المعاش؟
أقولك يا سيدي الهيئة القومية للتأمين حددت الأوراق المطلوبة
واللي بتلزم الموظفين السابقين في الدولة أنهم يملوا استمارة نموذج المعاش الاستثنائي
وده بعد ما ياخدوها من جهة عملهم اللي كانو شغالين فيها او من مكتب التأمينات المختص
وبعدين بيروحوا يختموها ويقدموا الورق ده لإدارة المعاشات الإستثنائية
وبعدين بيتم تحويل الطلب ده للهيئة العامة للتأمين الصحي وده بالنسبة للحالات اللي عندها مشاكل صحية بتقدم طلب تحسين المعاش
وده عشان يحددوا نوع الحالة ومدة العلاج
أما بالنسبة لحالات الظروف الإجتماعية في الحالة دي بيتم اجراء بحث اجتماعي لتحديد مصادر الدخل
وبعد كده بيتم عرض طلب صرف المعاش الاستثنائي على اللجنة التحضيرية وبيكون معاه التقرير الطبي او البحث الاجتماعي
وده عشان تثبت مدى حقك في الحصول على المعاش ده
بس يا ترا المعاش الاسثنائي ده كام؟
بحسب اللي نشره موقع العقارية قيمة المعاش الاسثنائي 1500 وده للحالات المرضية
والمبلغ ده زاد 15% في شهر إبريل اللي فات وده بحسب قرار الرئيس عبد الفتاح السيسي بزيادة المعاشات
طيب في حالة وفاة اللي بياخد معاش هل بيتقطع؟
بحسب موقع العقارية المعاش الإستثنائي بيتورث ومش بيتقطع بوفاة المستحق
نسيت أقولك أن الهيئة القومية للتأمينات الإجتماعية بتصرف معاشات لأكتر من 10 مليون مواطن بصورة شهرية باستثناء بعض الحالات اللي بيتم قطع المعاش عنها
و ايه هي الحالات دي؟أقولك قانون المعاشات قال في بعض الحالات اللي بيتم عنها قطع المعاش زي وفاة المستحق مثلا
وبالنسبة لورثة المعاش فهو بينقطع بزواج الأرملة أو الأرمل أو زواج البنت أو الأخت.
ده كمان بيتقطع لو بلغ الأخ أو الأبن سن 21 سنه باستثناء العاجز عن العمل، وممكن المدة دي تتمد لحد ما يتم سن 26 سن وده لحاملين الليسانس والبكالوريوس،وعلى فكرة حتى لو سنه أقل من 21 سنة بس اشتغل بيتقطع عنه المعاش
ودلوقتي قولنا هتقدم على المعاش الأسثنائي ولا لا؟
