أنا مقصدش أعمل فيها كده!..أنا معرفش أنا أنهيت حياتها إزاى!أنا كنت بحبها وشايف مستقبلى معاها!أيه كان معمولها عمل سلفى!
هذه كانت واحدة من الاعترافات التى أدلى بها المتهم بإنهاء حياة عروسته بالغربية بعد48 ساعة من الفرح! وبعد 6 ساعات تحقيقات ما قاله العريس صادم!
إيه اللى خلاه ينهى حياتها بكل الطعنات دى! إزاى عمل فيها كده فى أول ليلة لما إتقفل عليهم باب واحد! ليه قال إن عروسته معمولها عمل!وهل ده مبرر للى عمله! واللى كشفوه أهل المجنى عليها مفاجئ وهيوديه لعشماوى !.. كل ده هنعرفه في الفيديو ده.
قعدت يومين مش بقرب منها،وكل ما أقرب منها تصرخ وتقول إنها شايفة أشباح! .. ايه كان معمولها عمل سفلى!
وطبعا ده عرفوه لما راحوا للعرافين! وده طبعا بناءا على طلب أهل العروسة إنه ياخدوها ويشوفها مالها ،فيها إيه! ليه بتقول كده وبيحصل معاها كده! وده حسب ما نشره موقع صدى البلد.
من بعد القبض على العريس المتهم،والتحفظ على أداة الواقعة!..اللى مكانش باين عليه خالص طول فترة الخطوبة ولا حتى يوم الفرح إنه يعمل كده بناءا على كلام والدة العروسة وجدتها..
قررت نيابة مركز طنطا بمحافظة الغربية، حبسه 4 أيام على ذمة التحقيقات، بتهمة إنهاء حياة زوجته بعد جوازهم بكام ساعة،وأمرت كمان بتفريغ كاميرات المراقبة بمحيط سكنهم،وسماع أقوال الأسرتين وشهود عيان من جيرانهم .. وده حسب ما نشره بوابة الأهرام .
المتهم أقر وأعترف بكل تفاصيل الواقعة، وقال إنها رفضت طلبات زوجية معينة له ،فمكانش قدامه حل غير إنه يخلص عليها ..أنا مكنتش أقصد أعمل كده،أنا معرفش أنا عملت كده إزاى ،بس كل اللى أعرفه إن أيه كان معمولها عمل سلفى ..أنا كنت بحبها وكان نفسي أكمل حياتى معاها!..
ولكن فى نفس الوقت التحريات أثبتت إن العروسة عايرته العروس بعدم قدرته، وإتطور الأمر إلى أنه بهدلها وكسرها والجيران سمعوا صوتهم ولكن طبعا علشان دى أسرار بيوت الجيران مدخلهوش ..وكلمة من العروسة على كلمة من العريس الدنيا قامت وراح قام جايب الأله الحادة الجديدة اللى لسه مفرحتش بها وخلص عليها ..ولما حس إنها خلاص فارقت الحياة!رد فعله كان غريب!
المتهم “محمد” إتصل على أخو المجنى عليها العروسة “أيه”وكان منهار وبيعيط بشكل هستيرى:إلحقنى أختك فارقت الحياة.. وخلال 3 دقائق كان أخوها وصل وهو ميعرفش حصل إيه ومخضوض وهو كان بيصرخ بشكل هستيري وخايف.
أخوها بيقول: وصلت لقيت العريس بين أهله محدش بيرد عليا كله باصص في الأرض،ولما دخلت على أختى الأوضة لاقتها مفارقة الحياة بطريقة بشعة!
أخوها جرى جاب صيدلى علشان يتأكد ..قاله البقاء لله! وده بناءا على تصريحات أخوا المتهم لموقع مصر تايمز.
لكن محامى المجنى عليها قال: إن تقرير الطب الشرعي المبدئي أكد أن المتهم إتربض بها فى أوضة النوم،وطعن العروسة أكتر من 8 طعنات في أماكن متفرقة في جسمها وقطع في صوابع اليد وجرح في الراس .. وإن بعد تشريح جثمانها اتضح إن العروسة لسه أنسة!وده حسب ما نشره موقع العربية
خالة العروسة قالت إن المجنى عليها مكانتش مرتاحة للجوازة،لإن فترة الخطوبة ظهرت منه تصرفات غريبة ،كان بيختفى فجأة مع أى مناسبة وصلت لمدة 8 شهور تقريبا، وده حسب ما نشره صفحة القاهرة 24 على الفيس بوك..
طبعا عقوبة ومصير العريس معروفة هتكون عشماوى..وده اللى بيطالب به أهل العروسة ويحصل فيه زى ما حصل فى بنتهم.. بغض النظر بقى عن أى إعترافات مش منطقية إتقالت سواء معمولها عمل أو شك فيها إنها مش أنسه ما قال ..مصيره عشماوى لا محالة خاصة بعد تقرير الطب الشرعى ولاإنتوا رأيكوا إيه؟ شاركونا فى التعليقات.
