لا أحد كان يتخيل ما فعله الشاب المصري في الكويت، فبدلا من أن يكد ويتعب من أجل أن يكسب الأموال قرر أن يقوم بتصرف صادم . اللي بدل ما يشتغل ويتعب عشان يحقق أحلامه ويكسب فلوس قرر أنه يدور على أسهل طريقة يكسب بيها الفلوس.
الشاب المصري قرر أنه يفعل أغرب ما يمكن أن يتخيله بشر وقرر ان يسرق المساجد في الكويت، وهو ما تسبب في خجل المصريين فماذا حدث وكيف كان يسرق المساجد؟ تفاصيل كثيرة نكشفها من خلال التقرير التالي:
تخيل كده تكون شاب محترم قدرت أنك تحقق حلم شباب كتير نفسهم يسافروا دولة خليجية وياريت لو الكويت ويشتغلوا هناك وتيجي أنت الفرصة بتاعتك جيالك لغاية عندك ومع ذلك الطمع يخليك تسيب كل ده وتفكر أنك تجمع فلوس بطرق غير مشروعة عشان مش تجيب لنفسك البهدلة والترحيل ولكن تجيب لناس كتير الكسفة بسبب اللي بتعمله.
ده اللي حصل مع محمد شاب من مصر قدر بالفعل أنه يسافر الكويت ويشتغل هناك في وظيفة ضعيفة جدا وكان راتبها ضعيف لا يتعدى الـ100 دينار.. لكنه لما سافر هناك شاف أن الرقم ده مش هيعمله أي حاجة في الحياة ولا هيقدر يجمع الفلوس اللي عاوزها عشان يكون نفسه ولا بإمكانه أنه يتجوز ويعيش حياته منه.
ومن هنا بدأ أنه يفكر في أفكار تانية تساعده أنه يجمع فلوس بسرعة لكنه كان عايز يعمل كده من غير ما يشتغل ولا أنه يتعب في حياته زي ناس كتير بتعمل كده وبتشتغل شغلانة واتنين.
لكن الشيطان كان أقوى من محمد وجاتله فكرة لا يمكن تخطر على بال حد وهي أنه يسرق الجوامع في الكويت والصناديق الخاصة بالزكاة والصدقة من الجوامع.. هو شاف أن دي أفضل طريقة يقدر يجمع منها فلوس بشكل خرافي وفي أسرع وقت بدون ما يحتاج أنه يشتغل شغلانة تانية ولا أن حد يمرمطه في الشغل.
بالفعل بدأ يعمل خطط ويستهدف المساجد في محافظة الفروانية ويجمع فلوس على أساس أنه بيكون متنكر ولابس برنس على راسه عشان يخفي ملامحه وقدر أنه يسرق 4 مساجد في نفس المنطقة.
الناس القائمة على الجوامع دي قدموا بلاغات بسبب اللي بيحصل وده اللي خلى الشرطة تفرغ الكاميرات لكن الشاب المصري كان عامل حسابه وخافي ملامحه من خلال البرنس.
لكن بصورة عجيبة اتسربت بعض الصور والفيديوهات للشاب وهو بيسرق المساجد وتنتشر على السوشيال ميديا عشان القصة تتحول للرأي العام ويكون لها اهتمام كبير وأصبحت الواقعة دي قلبت الكويت والكل بيدور على حرامي الجوامع هناك.
الحساب الرسمي لموقع تفتيش الكويت قال إن الشرطة وضعت خطة كبيرة للقبض على الحرامي واللي كان بيسرق حتى الأبواب الألومنيوم بتاعة الجوامع، وبالفعل تم رصده في أحد المرات وهو بيسرق وقدرت الشرطة أنها تقبض عليه.
المفاجأة لما طلعت من هويته أنه مصري أثار حالة كبيرة جدا من الجدل في الكويت وخاصة بين المصريين هناك اللي البعض منهم شعر أن اللي عمله ده كسف كل المصريين وأنها واقعة فردية ولازم كمان يتعاقب عليها عشان محدش يكرر القصة دي تاني.
