هل تتخيل أن أم تستطيع أن تنهي حياة أبنائها الذين لم يكملوا 10 سنين وهما بيتوسلوا أن ترحمهم؟.. هذه ليست قصة في فيلم لكنها واقعة حقيقية حدثت في السعودية وكانت حديث الناس بسبب ما حدث.
الواقعة التى هزت السعودية كانت فيها مفاجآت كثيرة، عن ليه عملت كده؟ومفاجأة عن أن اللي عملته ده بسبب تحديها للشيطان؟.. تفاصيل كتيرة ومفاجآت نكشفها في التقرير التالي.
خلال الساعات اللي فاتت مكنش فيه كلام في المملكة العربية السعودية إلا عن الست اللي أنهت حياة أولادها وهما كان بيبكوا ويترجوها أنها تسيبهم. طيب إيه اللي حصل؟
البداية لما تبلغت الجهات الأمنية السعودية في محافظة البكيرية بمنطقة القصيم عن واقعة غريبة من أحد السيدات عن أن فيه واحدة ست أم لولدين أكبر واحد مكملش 10 سنين إلا أنها عملت اللي مش يتعمل وأنهت حياتهم.
على طول تحركت قوات الأمن وألقت القبض على الست السعودية اللي عملت كده وأنهت حياة الأبناء، لكن الموضوع حصل في ظروف غامضة لأنهم لقوا الست صامتة وكأنها معملتش أي حاجة.
الواقعة اللي حصلت تناقلتها وسائل الإعلام وقال موقع “أخبار 24” إن الواقعة حصلت في منزل والدة الأبناء بشمال المحافظة السعودية دون معرفة إيه اللي حصل أو إيه التفاصيل.
لكن أحد أقارب الست كشف عن تفاصيل مفاجئة في الواقعة اللي هزت السعودية وأصبحت حديث الناس، وهي أن الأم تعاني من اضطرابات نفسية، لكنها في الوقت نفسه عملت حاجة غريبة وأنها كانت بتطاردها الشياطين زي ما بتقول وأنها بتقول إنها بتشوف العيال الصغيرين في هيئة شياطين وكانت طول الوقت عايشة في خوف منهم ومش عارف تعمل إيه.
أحد أقارب السيدة قال إن الست يوم الواقعة كانت بتطارد الشياطين وأنها قررت التخلص منهم عشان كده راحت مسكتتهم واللي كان واحد منهم في الصف الثالث، والتانية بنت صغيرة مكملتش 5 سنين.
الأم مسكت الولدين الصغيرين وقررت أنها تتخلص منهم وهما شغالين بيصرخوا ويترجوها تسيبهم لكنها كانت مصرة على التخلص منهم وهي بتقول مهما عملتوا مش هسيبكم لغاية لما الناس سمعت الأصوات ولكنهم راحوا لقوا الأم خلصت على الولدين الصغيرين.
الواقعة دي أثارت حالة كبيرة جدا من الجدل على السوشيال ميديا والرأي العام مش في السعودية بس ولكن في كل دول الخليج والكل بيسأل معقول أم تقدر تعمل كده في عيالها وإزاي هانوا عليها بالشكل ده.
وعلى الرغم من أن الكلام اللي بيقولوا أقارب الأم إلا أنه حتى الآن مفيش تأكيد عليه من الشرطة أو السلطات في السعودية عشان تكون القصة لسه فيها مفاجآت تانية كتير.
