من جديد عادت قضية المذيعة شيماء جمال والتي أنهى حياتها زوجها القاضي أيمن حجاج للأضواء بسبب ما فعله شقيق المذيعة الذي قبض عليه بعد حالة جدل كبيرة.
شقيق المذيعة شيماء جمال اللي طلع عنده سجل إجرامي من احتجاز نسيبه وبهدلته لغاية اللي عمله مع أخته.. بس يا ترى إيه اللي حصل؟ وآيه مفاجأته مع أخته؟… تفاصيل كتيرة نكشفها في هذا التقرير:
على مدار الشهور اللي فاتت كانت عائلته المذيعة شيماء جمال هي مثار جدل في الرأي العام والسوشيال ميديا على الرغم من أن الحكم اللي صدر من محكمة الجنايات بإحالته جوزها القاضي أيمن حجاج وشريكه حسين الغربالي لعشماوي عشان يكون مصيرهم زي مصير شيماء جمال.
إلا أن عائلة المذيعة استمرت في الجدل بداية من الاتهامات اللي وجهت لوالدتها وهي اتهامات غير أخلاقية ومخلة بالشرف لغاية أخوها أحدث فصل في الأحداث اللي اتقبض عليه في النهاية.
طيب إيه اللي حصل؟
البداية عندما تلقى العميد علاء سالم مأمور قسم شرطة ثان السلام بلاغ من أحد الأشخاص يدعى أحمد واللي بيشتغل عامل خردة وعنده ١٨ سنة وساكن في مدينة السلام بتعرضه لواقعة احتجاز وبهدله غصبن عنه وتحت التهديد من نسيبه عشان يكسر عينه ويبهدله.. وانهم نسيبه اللي هو جوز خالته أنه هو اللي عمل فيه كده.
على طول انتقل رجال وحدة مباحث قسم شرطة ثان السلام وتم فحص البلاغ وتشكيل فريق من رجال الشرطة للبحث في الواقعة.. وهنا كانت المفاجأة لما طلع أن المتهم هو أكرم جمال شقيق المذيعة شيماء جمال واللي بيشتغل تاجر فاكهة.
التحريات كشفت كمان أنه استدرج نسيبه اللي عنده ١٨ سنة بحجة أنه عايز يتكلم معه وهو كان عامله كمين وبمجرد ما وصل أجبره على أنه يحتجزه في أحد الأماكن ونزل فيه إهانة وأجبر نسيبه الشاب أنه يلبس ملابس نسائية وخلاه مضى على إيصالات أمانة كمان عشان يكسر عينه.
كمان التحريات كشفت عن أنه عمل كل ده بسبب خلافات أسرية بين شقيق المذيعة شيماء جمال وبين طليقته اللي هي خالة الشاب اللي عمل فيه كل العمايل دي.
بعد ما أثبتت التحريات صحة الواقعة والاتهام أعد رجال الشرطة كمين لغاية لما قبضوا على شقيق المذيعة شيماء جمال وبالتحقيق معه اعترف أنه انفصل عن مراته بعد ما خلعته لكنه بتمنعه أنه يشوف بنته الصغيرة اللي عندها ٣ سنين ولما حاول ياخذها أها مراته مسكوه وضربوه ومقدرش ياخد منهم البنت عشان كده قرر أنه يعمل كمين لنسيبه عشان يستدرجه ويكسر عينه ويشهر بيه وبالتالي يقدر يجبرهم في النهاية أنه ياخد بنته الصغيرة منهم.
الغريب أن التحقيقات كشفت أنه مش أول مرة يعمل كده وكان أيام أخته بيعمل مشاكل كتير لدرجة أنه تبرأت منه وكانت مش بتكلمه بسبب المشاكل اللي بيعملها عشان يكون تاني واحد المذيعة مكنش له علاقة بيها بعد والدتها كمان.
