من أصعب الوقائع التى ممكن تحدث الوقائع المفاجئة على الطريق،ودائما نقول يارب إكفينا فواجع الأقدار، والأم تدعى لإبنها ربنا يكفيك شر الطريق،تكون خارج من بيتك من أجل لقمة العيش فى هذا الجو البرد ولا تعرف إن كنت ستعود في سلام أم سيكون أخر يوم في حياتك.
الأصعب إن يكون اللى خارج للشغل ده مجموعة من الصغار،والكل بيسأل اللى بيحصل فى منفلوط؟وإيه طبيعة الواقعة بالظبط؟ فلو مسمعتش عن الواقعة دى أو سمعت بس مش عارف القصة الكاملة تابعونى فى الفيديو ده هقولك كل التفاصيل
إصابة 25 شخص ورحيل 3 صغار فى حادث منفلوط،أكيد شوفت كل السوشيال ميديا الساعات اللى فاتت والخبر التريند اللى مكتسحها هو ده، فياترى حصلهم إيه بالظبط؟حقيقى الواقعة مأسوية لإنها متعلقة بعمالة الصغار والأصعب هو رحيل 3 من الصغار دول.
الحكاية بدأت لما اللواء أحمد جمال مساعد وزير الداخلية ومدير أمن أسيوط تلقي إخطار من مأمور مركز شرطة منفلوط يفيد بانقلاب سياره ربع نقل تنقل صغار للعمل بمركز ديروط،وإن فى إصابات ورحيل للصغارعلى طريق بني عدي بمركز منفلوط.
كل الصغار دول من قرية واحدة وهى قرية المطيعة التابعة لمركز أسيوط ،ولحد ما وصلت الأسعاف كان رحل ال3 صغار فى الحال،وتبين وجود إصابات لل 25 التانيين،وتم نقلهم لمستشفى أسيوط الجامعي والايمان العام لاستكمال العلاج و للاطمئنان على حالتهم الصحية وتقديم الدعم النفسي والمساعدات المالية العاجلة لهم ولأسرهم.
وزارة التضامن الاجتماعى بتتابع حالة حالة مصابي الواقعة ،وأصدر اللواء عصام سعد محافظ أسيوط توجيهاته بتوفير كافة أوجه الرعاية الصحية لهم لحد ما يتعافوا تعافيهم ويخرجوا من المستشفى داعياً المولى عز وجل أن يتغمد اللى رحلوا بواسع رحمته وأن يلهم ذويهم الصبر والسلوان.
ربنا يرحم الصغار دول اللى رحلوا بعد الواقعة المأسوية ،عرفتوا ليه هى مأسوية؟ علشان اللى راح بسببها أولاد وبنات صغيرين،يمكن لو كانت رجالة كبيرة كنا هنتأثر طبعا بس مش بنفس التأثير ده،هنفول بيكافح علشان لقمة العيش،وكلنا شايفين الحالة الإقتصادية الضنك اللى كلنا بنمر بها، لكن الأهالى تشغل أولاده الصغيرين ليه؟
هيساعدوكوا فى المصاريف؟مش ملزمين يعملوا كده،عايزينهم يعتمدوا على نفسهم؟فى مليون حاجة تانية تعلمهم الإعتمادعلى النفس وتحمل المسؤولية ،الغريب إن فى الواقعة دى أغلبهم بنات.
إحنا عارفين إن ظاهرة تشغيل الصغار وخاصة فى المزارع منتشرة جدا،وفى قرى ريفية قايمة على كده،إبنك ميروحش مدرسة ويتعلم صنعه تنفعه ومصيره يكون كده؟ومهما نقول وتصدر قوانين ويكون فى عقوبات صارمة هتفضل الظاهرة دى موجودة فى إعتقاد الأهالى محدش هيخاف على ولادنا أكتر منا ..
تخيل تحرم ولد صغير من طفولته البريئة،علشان يومية بكام؟هل يوميته دى لو مجابهاش هتأثر معاك؟ده غير شغل البنات الصغيرين فى البيوت كمان وشوفنا كتير الموضوع ده..
طيب مبدأيا كده قانون عمالة الصغار بيقول ممنوع تشغيلهم قبل سن ال15 سنة،وكل اللى فى الواقعة من 8 ل 10 سنين تقريبا،وده اللى ظهر فى الصور. واشترط قانون العمل أن يتخلل مدة عمل الأطفال المقدرة بـ 6 ساعاتـ فترة أو أكثر لتناول الطعام والراحة،متقلش عن ساعة واحدة، مع إلزام صاحب العمل بإبلاغ الجهات الإدارية.
وحظر ساعات العمل الإضافية أو تشعيله أيام الراحة الأسبوعية والعطلات الرسمية.
ويستهدف مشروع قانون العمل تغليظ عقوبة عمالة الأطفال، هيكون الغرامة من 1000 جنيه إلى 2000 جنيه، مع تعدد الغرامة بتعدد العمال، ومضاعفة العقوبة في حالة العودة، وهي إغلاق المنشأة لمدة لا تجاوز 6 أشهر .
ظاهرة تشغيل الصغار فى المزارع منتشرة جدا وبتحصل كتير،وكلنا عارفين هل بيكون فى عقوبة لأصحاب العمل؟هل بيكون فى إلتزام أصلا بشروط عمالة الأطفال؟ إنتوا رأيكوا إيه؟ شاركونا فى التعليقات.
