9 أخوات 6 منهم انتهت حياتهم و الثلاثة الآخرين والأب والأم دخلوا العناية المركزة/ ما حدث فى السعودية خلال الساعات الماضية مرعب وخطير.. وربنا يستر على الأب وينجيهممما هم فيه.
ايه اللى حصل فى السعودية وخلص على 6 أخوات مرة واحدة؟ .. وإزاى الأخت الصغيرة اللى عندها 4 سنين هى اللى نجت؟ .. كل ده وأكتر هنعرفه مع بعض فى التقرير التالي:
خلال الساعات اللى فاتت فيه أسرة سعودية كاملة شافت أخرتها قدام عنيها، 6 منهم أنتهت حياتهم بالفعل و 3 تانين ومعاهم الأب والأم راحوا على العناية المركزة ومصيرهم لسه مجهول ربنا يستر عليهم وينجيهم منها بالسلامه ويخليهم لبنتهم الصغيره اللى عندها 4 سنين والوحيده اللى نجت من اللى حصلهم باقل خساير.
مين هى الأسرة دى اللى حصلها كل ده، وإزاى راحوا كده فجأة وبدون أى مقدمات؟.
الله يرحهم الستة اللى راحوا من عيلة الغامدي بالسعودية، يعنى سعوديين مش مصريين، بس أغلب المصريين اللى يعرفوهم زعلوا عليهم جدا وعلى اللى حصلهم، واللى حصلهم حقيقى كان كارثة بكل المقاييس، الأسرة أغلبها روحهم طلعت والباقى منهم ياعالم بيه وكل ده بسبب حادث سير خطير على يربط بين محافظة الطائف السعودية ومنطقة الباحة فا نرجوا من أخواتنا المصريين اللى هناك ياخدوا بالهم قوى من الطريق ده عشان مايحصلش فيهم زى ماحصل للأسرة، واللى يعرف فيكم حد فى السعودية يبلغه ويبعتله الفيديو ده عشان ياخد باله من الطريق، ربنا يسترها على أولادنا جميعا فى الغربة.
التفاصيل واللى حكاها بنفسه لموقع “سبق” السعودى، الأستاذ محمد سالم الغامدى وهو قريب الأسرة، وقال أن كل اللى حصل ده كان بسبب حادث السير مش حاجه تانيه يعنى زى ما ممكن حد يخمن، وبيقول الراجل أن أهله اللى هما الأسره المكونه من 15 فرد أغلبهم راحت حياتهم فى الحادثه، 6 أخوات أكبرهم لسه مكملش 17 سنة وأصغر حد فيهم عنده سنتين ونص، بخلاف أن الأب والأم و 3 من الأخوات التانين راحوا على العناية المركزة في مستشفيات الملك فيصل التخصصى بالطائف ومستشفى الأمير سلطان بردوا بالطائف.
بالنسبة للى انتهت حياتهم رحمة الله عليهم فادول تم الصلاة عليهم ودفنهم بعد صلاة العصر امبارح بمحافظة الطائف وكان فيه عدد كبير من الناس وقت الصلاة عليهم، كل اللى كان يعرف وقادر على الحضور في صلاة الجنازة كان حاضر وموجود عشان يواسي باقى العيلة.
اللى يهمنا بقى فى الموضوع ده وعشانه عملنا الفيديو ده أن الطريق ده يقال أن بيحصل عليه حوادث سير كتير فا لو حد فيكم يعرف حد مصرى موجود فى السعودية ياريت يبعتله الفيديو ده أو يشيره على صفحته عشان كل المصريين اللى فى السعودية يعرفوا بالواقعه والطريق ده وياخدوا بالهم منه ويكونوا حذيرين قوى وهما ماشيين عليه، وربنا يسترها على أولادنا جميعا فى الغربه.
وفي النهاية طالبين منكم انكم تدعوا للى انتهت حياتهم من الأسرة بالرحمة والمغفرة وكمان تدعوا للأب والأم أن ربنا ينجيهم منها بالسلامه وعلى خير.
