مكنش يتخيل أحمد شلبي الشاب الذي يعيش بداية شبابه أن حياته تنتهي على يد أخته بسبب محاولته أن يمنعها من الرقص على عبر تطبيق تيك توك، هه القصة شغلت بال المستخدمين عبر السوشيال ميديا بعد نشر تفاصيلها، فماذا حدث وكيف خلصت الفتاة على شقيقها؟ هذا ما سنعرفه من خلال التالي:
كان أحمد شلبي شاب زي كل الشباب بيواجه مشاكل كتير في الحياة وبيحلم أنه يكون له بيت مستقر.. لكنه كان بيحاول الأول يطمن على اخته ياسمين اللي كانت دايما معاه في البيت.. أحمد اللي كان حامل هم أخته خاصة أنها كانت مش متزنة في حالتها النفسية وعشان كده كانوا دايما في الأسرة بيحاولوا ياخدوها على قد عقلها.
لغاية لما شاف أحمد أخته ياسمين وهي ماسكة التليفون وبترقص قدامه في واقعة غريبة عشان يدخل عليها ويكشتف أنها بترقص على الأغاني على التيك توك ي ما بتعمل بعض البنات اليومين دول.
أحمد اتجنن لما شاف أخته بتعمل كده والدم يغلي في عروقه ومع ذلك حاول أنه يتكلم معاها بهدوء وقالها أنها مينفعش تعمل كده عشان حرام وعشان منظرهم قدام الناس والأفضل أنها تصون نفسها.
بعد كلامه معاها افتكر أن الموضوع انتهى لغاية ما في يوم راح يصلي الجمعة وهو كان إجازة من شغله اليوم ده عشان يرجع البيت ويلاقي الصدمة أن أخته بترقص تاني قدام التليفون علشان تنزل الفيديوهات على التيك توك ومن هنا هو مقدرش يمتلك أعصابه ومسك منها التليفون وقالها انه مش هيدليه تاني وهيمنعها تعمل كده.
ياسمين اللي قعدت تتخانق معه مقدرتش تتخلى عن أن التليفون عشان يوصل الأمر إلى خناقة كبيرة بينهم فتروح ياسمين تسحب السكينة من المطبخ وتضرب أخوها عشان تخلص عليه وتكون نهايته بسبب أنه رفض يخليها ترقص على التيك توك.
الأهالي دخلوا على صوتهم وهما بيتخانقوا لكنهم لقوا ياسمين خلصت على أخوها .. فبلغوا الشرطة وعلى طول أمر اللواء ياسر عبدالحميد مدير المباحث الجنائية بمديرية الغربية بتحرك قوات الشرطة واللي بالفعل تمكنت من القبض على البنت وتحرير محضر بالواقعة إخطار النيابة العامة وتم تكليف إدارة البحث الجنائي بإجراء التحريات حول الواقعة.
وقال الجيران إن ياسمين مريضة نفسية وأن أخوها كان دايما بيعترض على اللي بتعمله اخته على السوشيال ميديا والتيك توك.. لكنهم مكنوش يتخيلوا أبدا أنها تعمل كده خاصة أنها كانت في كامل وعيها وإدراكها ومش بيظهر عليها وهي بتعمل فيديوهات التيك توك أي حاجة.
لكنهم تفاجئوا أنها خلصت على أخوها بالطريقة ودي عشان تكون نهاية ياسمين وأخوها أحمد وكله بسبب التيك توك.
