صيادله مصر كلهم في حالة حزن كبيرة بعد إنتهاء حياة واحد منهم كان يعمل في السعوديه، أنهي حياته مجرم سعودي دخل عليه الصيدليه فجأة ونفذ جريمته ولا هامه أحد ولا خائف من أحد.
صفحات وحسابات الصيادلة كلهم دلوقتي على السوشيال ميديا ملهاش سيره غير اللى حصل فى صاحبهم الجدع للدكتور محمد فيصل يونس، الدكتور اللى كل عيلته دكاتره، ايوه ابوه دكتور واخوة دكتور واخته كمان دكتوره يعني من عيله كويسه متعلمة كويس وأخلاقهم كويسه.
على حسب ماهو متداول على السوشيال ميديا وعلى حسب كلام مصطفى شقيق المرحوم رحمة الله عليه، فا المرحوم كان شغال امبارح عادي في صيدلية في منطقة عسير بالسعودية ومره واحده دخل عليه واحد سعودي انهى حياته فجأة .. خرم جسمه من اللى عمله فيه ومخلاش فيه حتة سليمة.
ومن وقت الواقعه ماحصلت والدنيا مقلوبه فى مصر، كل صيادلة مصر بيتكلموا عن اللى حصل في صاحبهم وعايزين حقهم، مطالبات كثيرة لتدخل أجهزة الدوله المصريه ممثله في وزاره الخارجيه أنها تكلم وتبلغ السعوديه باللى حصل في الصيدلي المصري عشان حقه يجي، هو كده كده حقه هيجي بس مطالبات الصيادلة حالياً أن الإجراءات تكون سريعه شويه عشان تفش غليلهم، لان على حسب كلامهم ده مش أول صيدلى يحصل معاه كده في السعوديه وفي الخليج عموماً، بيقولوا ان صيادله كتير راحت حياتهم السنين اللى فاتت بنفس الشكل ولولا الكلام على السوشيال ميديا كان حق الصيادلة دول راح.
ودلوقتي فيه مطالبات من الصيادله المصريين أن النقابة العامه المصريه للصيادله تتدخل فوراً وتقدم طلبات للحكومه المصريه ممثل عنها وزاره الخارجيه عشان تبلغ السعودية وتتابع بنفسها هل تم القبض على المجرم اللى عمل الجريمه ولا لا؟ ، ولو تم القبض عليه فا مصيره دلوقتي إيه، وصل لفين يعني في إجراءات التقاضي، عايزين يتأكدوا أنه هياخد العقاب العادل وأن حياته تنتهى زي ما تسبب في إنهاء حياة الصيدلي المصري محمد فيصل يونس.
أيضا من ضمن المطالبات أن يتم تسريع إجراءات جلب جسد المرحوم لأجل الصلاة عليه في مصر ودفنه فى بمعرفة أهله وذويه، ويتمنى أقارب المرحوم ان يأتي جسده إلى مصر النهارده قبل بكره.
اللافت في كل اللى حصل ده واللى يستحق فعلاً النقاش، هوا ليه بيحصل كده في الصيادله المصريين في السعوديه والخليج عموماً، والحقيقة أن الإجابة عن الموضوع ده هتكون صادمة شويه، يقال والله أعلم أن أغلب الصيادلة المصريين اللى انتهت حياتهم في السعودية كانت بسبب رفضهم لطلبات مجرمين سعودين بأنهم يعطوهم ادويه ممنوعه، حاجات من اللى بتسبب هلوسة يعني، فا تخيلوا كده المشهد، شخص يتسبب في إنهاء حياة شخص آخر كل ده عشان حبايه ممنوعات مش راضى يديهاله !.
على العموم وبعيداً عن السبب دلوقتى فا أهم شئ أن حق الصيدلى المصرى يجى وكمان جسده يجي النهارده قبل بكره عشان أهله هنا يشوفوه قبل ميداروه بالتراب .. المطلوب منكم دلوقتي انكم تدعوا للمرحوم رحمة الله عليه، وكمان تنشروا الفيديو ده على صفحاتكم عشان الكل يعرف ويشوف ويجي حق الصيدلى المصرى ده بسرعه.
