الشرطة وضعت يدها على مغارة علي بابا ، ولكن المفاجأة في هوية صاحبها والطريقة التي تشبه الخيال التي قادت الشرطة للعثور علي غرفه الكنز السرية، التي اكتشفوا فيها 25 مليون جنيه، وكاميرات المراقبه فضحت ما حدث، فما قصة هذه الأموال، ومن صاحبها؟ تابعونا لمعرة التفاصيل:
الحقونا.. استغاثة عاجلة وصلت لشرطة النجدة في محافظة الجيزة، وفورا رجالة المطافي اتحركوا عشان يطفوا النار اللي مسكت في شركة حديد وتسليح موجودة في برج سكني بحي المهندسين.
حريقة تبانلك عادية زيها زي البلاغات الكتير اللي بتوصل للمطافي كل يوم، بس اللي حصل في العقار 34 بشارع دمشق كان مفاجأة مدوية!:
رجالة الحماية المدنية جايين يطفوا النار زي أي يوم شغل، بس المكان اللي بدأت الحريقة هو شركة حديد تسليح موجودة في البرج السكني ومملوكة لرجل أعمال شهير، ومن هنا بدأت السيناريو يختلف تماما:
المطافي اكتشفت إن النار مسكت في كميات من الفلوس، وشوية شوية ومع محاولات الاطفاء اتفاجئوا بغرفه سريه ازاز في ازاز موجوده في دور من أدوار البرج، وفيها مبالغ كبيرة جدا، وفورا بلغوا المباحث.
تفاصيل القصة
ومن خلال الفحص، عرفوا إن الغرفة دي كانت بتستخدم كخزنة جوة الشركة، والمبالغ اللي فيها وصلت إلى 25 مليون جنيه غير مبالغ بالعملات الأجنبية.
وطبعا وجود مبلغ كبير زه ده في المكان، يخلي اي شخص طبيعي يسأل: الحريقة اللي حصلت دي طبيعية ولا بفعل فاعل؟ خصوصا انهم اكتشفوا اختفاء مبالغ مالية.
ومع استكمال التحريات، كشفت الداخلية خيوط الواقعة من أولها لآخرها، من خلال فحص كاميرات المراقبة وفعلا قبضوا على فرد أمن شغال في الشركة، عرف بحكاية الخزنة والفلوس زغللت عينيه، فيعمل إيه؟
دخل غرفة الخزينة وكسر أدراج المكتب والخزنة عشان ينقل الفلوس ويقسمها لجزئين: جزء حطه في شنط كبيره ورماهم على الدور الأرضي، وجزء حطه في شنطه صغيره عشان ابنه يعدي عليه وياخدهم منه يوديهم لمكان بنته في حدائق القبة.
وبعد كده خلى النار تمسك في المكان، عشان اللي شغالين في الشركة وأفراد الامن يتلهوا فيها، ويعرف يخرج بالفلوس.
بس لسوء حظه، النار وصلت للدور الأرضي ومسكت في الشنط اللي كان راميها، وفعلا الشرطه لقيتها متضررة في مكانها، وكمان وصلت للشنطة اللي ابنه خدها.
كيف انكشف السر؟
السر يا سيدي في كاميرات المراقبة اللي كشفت تحركات العمال في الشركة وخط سيرهم، وخصوصا انه عمل حركة غبيه زودت الشكوك حواليه لما غير ميعاد ورديته من الصبح لبليل وقت حدوث الحريقة.
ولغايه دلوقتي مش معروف هوية رجل الاعمال الشهير صاحب الشركة واللي اتكلم عنه مصراوي، بس لو انت معاك 25 مليون جنيه هتحطهم في البنك؟ ولا هتعمل غرفة في بيتك تحط فيها الفلوس؟
