كان يتخيل ان الخروج من المطارمثل دخوله .فلت من السلطات فى مطار السعودية وضبط هنا فى مطار القاهرة ،وكما نقول فإن بلده اولى به! سيعرفوا يتعاملوا معه!
سمعنا عن تهريب الكتير والقليل فى المطارات ..الممنوعات وغير الممنوعات..اللى تدفع عليه غرامة واللى يوديك خلف القضبان لكن المرة دى جديدة ..راجع من السعودية ومعاك منظار!هتعمل به إيه؟ جايبه هديه لمين!حكاية غريبة بجد..
اللى مسافر بيكون حافظ عن ظهر قلب الممنوع والمسموح تعدى به من المطار سواء داخل أو خارج ,,والقانون فى كل دولة كمان .. لكن راجع تقضى اجازتك ومعاك منظار؟ليه ناوى على إيه؟يالا نعرف التفاصيل..وحصل معاه إيه!
أكيد جه فى بالك المنطار المكبر للأشياء البعيدة ..وقولت وده ممنوعات ليه؟ زيه زى أى حاجة ممكن يدفع عليها ضرايب أو جمارك..لكن الحقيقة إنه مش ده ،ده المنظار التانى ..اللى بيتركب على الألات والأدوات اللى يتستخدم فى أطلاق الرصاص .
كل اللى حصل إن صاحبنا المصرى ده كان راجع من السعودية وتحديدا من تبوك ..نازل زيارة وهيقضى رمضان مع عيلته،قرر مينزلش إيده فاضية ،أكيد عنده فى مصر هنا الألة الكبيرة نفسها ..فقال يكملها بالمنظار ده..
ياريته ما نزل أجازة من السعودية من الأساس..وكان يوم ما يعلم به ربنا يوم ما فكر يحجز طيارة وينزل ..
وطبقا لما نشره موقع مصراوى ..أخينا المصرى ده وصل المطار بالسلامة ..وبدأ يعمل الإجراءات الجمركية العادية ..وقلبه بيدق من الرعب وبيتمنى يعدى هنا زى ما عدى من مطار السعودية ..
لما وصل عند بوابة اللجنة الإلكترونية ،شكله مكانش مظبوط ،وكان بيحاول يخرج منها باى طريقة،لكن على مين ؟ براحة كده وقفه محمد سمير محمد مأمور الجمرك المعين على لجنة الخط الأخضروسأله معاك حاجة تدفع عليها جمارك او ضرايب ؟؟ قاله حاجة؟ حاجة إيه يا فندم؟ حاجة زى إيه ؟ لالا معييش طبعا
المأمور شك فيه وفى طريقته وهو مش على بعضه كده ،فورا حطوا الشنط بتاعته على جهاز الفخص بالأشعة بواسطة كل من أحمد سيد عبد العزيز مأمور الجمرك ومحمود شحاتة رئيس القسم واللى لاحظوا وجود جسم معدني داخل شنطته ..
بااس ..هنا علشان بقطعوا الشك باليقين مش قدامهم حل غير إنهم يفتشوا يدوى ،وفعلا بدأوا يفتشوا لاقوا إن بين هدومه حاطط المنظار ده اللى بيتركب على بندقية..
وطبعا تقرير إدارة الحماية المدنية بالمطار أفاد بأنه محظور حيازته طبقاً للقانون رقم 394 لسنة .1954
وأمر عبد الفتاح دويدار مدير الإدارة الثالثة بتحرير محضر ضبط جمركي رقم ١٢ ضد الراكب، وده بعد العرض علي كل من زكريا حسب الله مدير عام جمارك الركاب مبني رقم ١، والدكتور ماجد موسي رئيس الإدارة المركزية لجمارك مطار القاهرة ..وتم إحالة الراكب للنياية علشان يتحدد مصيره
عقوبة اللى بيقوم بإستيراد الألات دى أو اى أجزاءمنها بدون ترخيص و طبقا للقانون بتكون المؤبد وغرامة 500 ألف جنيه ..
طبعا بدون أى تفكير ،و”أ،ب” قوانين مطارات ممنوع أى حد يدخل أو يخرج من المطارات وهو بحوزته الأدوات الخطيرة دى ..بغض النظر عن إنه جزء بسيط من الأله نفسها لكن ده فى حد ذاته بيشكل خطورة عليه وعلى الأخرين فى المطار او حتى داخل الطيارة ..
والغريب إنه الكل بيبصوم بالعشرة إنه ممنوعات ..بالعقل كده يعنى! لكن إزاى راجع من السعودية وعارف إنه ممنوعات وبنسبة 99% هيتقفش سواء هنا أو هناك .وبردوا جازف وجرب حظه وقال يمكن ولما إطمن من خروجه من مطار السعودية ..قالك بس باقى على الحلو تكه! لكن ميعرفش اللى فيها ..وهوب أتقبض عليه ويافرحة ما تمت
تخيل بجزء بسيط منها ممكن مستقبله يضيع ..ده غير الغرامة اللى ممكن يكون قعد طول سنين الغربة فى السعودية محوش نصهم حتى .. وده كله بسبب الطمع والإستسهال .. ماهو اللى بيجى بالساهل بيروح بالساهل ..ولاإنتوا رأيكوا إيه؟ شاركونا فى التعليقات ..
