كشف المتهم الثاني محمد.م، في واقعة سرقة الفنانة ميرهان حسين، تفاصيل جديدة أمام جهات التحقيق.
وقال المتهم: اللي حصل إن أنا والصبي بتاع أحمد اشتغلنا مع المهندس حسين في شقتين واحدة في الدور الأول والثانية في الدور الثاني علوي وعملت شغل السيراميك اللي فيهم وبعد ما خلصت شغل وكان معايا في الشغل أحمد، وبعدها خلصنا الشغل اللي كان مطلوب منا، وطلبنا حسابنا والمهندس حسين كان سايبلنا حسابنا مع واحد جاره ولما جاره ده حاسب الأسطى أحمد وقاله أنت لك معايا 5 آلاف جنية فقاله تمام مفيش مشكلة.
وتابع: قلتله خلي المهندس حسين يجيبلي باقي حسابي فودافون كاش ومفيش مشكلة، بس بعدها البشمهندس حسين كلم الأسطى وقاله تعالى علشان تاخد باقي حسابك، فالأسطي قاله ماشي أنا جايلك، ولما وصلنا مكان البيت بتاعه لقيت ناس واقفه ضربتني وشتمتني وقالتالي إن المهندس حسين يتهمني أنا والأسطى بالسرقة وطلبوا النجدة وأخدونا على القسم ولما روحت القسم لقيت محمود هناك وعملولنا محضر وجينا النهاردة النيابة.
وأضاف: لما فتشوني ملقيوش معايا حاجه، ومعرفش الحاجة دي بتاعت مين، ومعرفش الحاجة دي محطوطالي ليه وهو بيقول كده ليه، وأنا مسرقتش حاجة، وأنا أعرف أحمد علشان أنا شغال صبي معاه، ومحمود أنا معرفهوش.
ومن الجانب الآخر أكد والد الفنانة ميرهان حسين: أنا اكتشفت سرقة المشغولات الذهبية من داخل الشقة خاصتي اليوم ولكن الناس دي شغالة عندي من حوالي 10 أيام بالقطعة رقم 7175 بالمقطم.
وأوضح والد ميرهان حسين في التحقيقات، أن العمال الذي طلب منهم الحضور هم من قاموا بسرقة مشغولات ذهبية من داخل الشقة.
وتابع والد ميرهان حسين: المسروقات عبارة عن 4 ساعات يد ذهبية وفضية اللون، و2 قلادة ذهبية بإحداهما عملة ذهبية اللون، و2 أسورة ذهبية اللون، وقلادة كبيرة الحجم ذهبية اللون وبداخلها الثانية، 8 خواتم ذهبية وفضية اللون، وزوج أقراط ذهبية اللون، وحقيبة قماشية بداخلها بعض المتعلقات الشخصية ومستحضرات التجميل.
اقرأ أيضًا: قرار عاجل من المحكمة بشأن سائق أوبر المتهم بخطف فتاة الشروق
