مع زيادة عمليات التهريب في مصر وصل الأمر لبعض الناس أنها تهريب كل حاجة تتخيلها، وهذا ما فعله شاب مصري في حكاية غريبة وعجيبة وهو حاول يهرب أكبر شحنة ممنوعات صحية بمطار القاهرة في عيد الحب.
الغريبة بقى في قصته اللي كانت حديث الناس.. أنه شايف أنه كان بيعمل حاجة صح وعايز يبسط الناس.. إيه اللي حصل؟ وإزاي خدع الكل وكانت بيعمل عمليات التهريب؟.. كل ده وأكتر هنعرفه مع بعض في التقرير التالي.
في البداية كده أحنا بنؤكد أن كل أحداث الفيديو ده حقيقة ومش هزار ولا حاجة زى ما البعض منكم ما ممكن يفهم، وندخل فى الموضوع.
خلال الساعات اللي فاتت أعلنت سلطات مطار القاهرة أنها قبضت من فترة خلال عيد الحب الأخير على شخص في المطار جاى من بره ومعاه كمية كبيرة جدا من الممنوعات الصحية، اللي وصلت تقريبا الكمية لـ 10 الاف قرص، الشخص ده كان بيحاول يخرج من بوابة اللجنة الجمركية بدون تفتيش، ولأجل حظة سلطات المطار أخدت بالها منه وشكت فيه على طول، وراح عليه مأمور الجمارك فادي نبيل ومسكة وقاله انت بتحاول تهرب ليه؟ أنت معاك حاجة ولا إي ؟ وهنا الشخص ده ارتبك في الكلام ومعرفش يرد خالص.
وده اللى خلى مأمور الجمارك يشك فيه جدا، وقام واخدة وطلب منه يحط الشنط اللى معاه على جهاز الفحص بالأشعة الحمراء، وأول ماحط الشنط كانت المفاجأة، تلاحظ له أنه مفيش حاجة.. لكنه شك برضو بسبب أن حجم الشنطة ومنظر الشاب ده كان مش طبيعي.
مأمور الجمارك قرر أنه يفتشوا ولما فتح الشنطة لقى كيس متغلف ببالقصدير وبمواد تانية خلته يبقى مش ظاهر في الجهاز.. الغريبة أن الكيس ده طلع في أقراص ممنوعات صحية.
الحكاية دي خلت سلطات الجمارك تفتش كل شنط الشاب ده ولما فتحوا الشنط لقوا كمية كبيرة قوى من الحبوب اللى بتستخدم كمقوى للرجال، واللى يجب عند أخذها معرفة رأى الطبيب وممنوع دخولها لمصر إلا بطرق قانونية معينة.
وهنا شكل الدكتور حسين هيكل مدير الجمرك، لجان ضمت كل من عماد صلاح وبسمة حسني وأحمد عبد الواحد وحسام الشافعي مأمور الجمرك وجمال السيد مدير الحركة لاستكمال التفتيش وجرد وعد وتصنيف وتحريز المضبوطات اللى بلغت كمية من شرائط عقار ممنوع تداوله بإجمالي 1035 قرص وكمية من شرائط مقوى بلغ اجماليها 9480 قرص.
الغريب بقى أن الشاب المصري اللي كان راجع من بره قال إنه عمل كده مش عشان يتاجر فيهم ولا حاجة.. ولكنه كان يقصد بس أنه يبسط الناس من أصحابه في عيد الحب وعشان كده جايب ليهم الحاجات دي كهدايا.
الأغرب أن رد الفعل المواطنين على الواقعة دي كان صادم..وهما اللى أخدوا الموضوع من جانب فكاهى بحت وقلبوه لضحك وهزار ونسوا تماما الشق الجنائى اللى على الشخص ده وأن اللى عمله جريمة يستوجب عليها العقاب، وهو بالفعل دلوقتى اتعمله محضر ضبط جمركى وهيحال للنيابة المختصة.
لحد هنا ونكون وصلنا لنهاية الفيديو، وقبل مانقفل كالعادة هنوجه ليكم سؤال، أنتم رأيكم إيه في تعليقات الناس على الضبطية دى، هل موافقينهم في أنهم قلبوا الموضوع ضحك وهزار ولا الموضوع مايستحملش كده ولازم نبص للشق الجنائى فيه؟ .. اكتبوا رأيكم في التعليقات.
