ذهبت لزيارة صديقتها، وكانت تمشى على رجليها ، ولكنها خرجت من عند صديقتها جثة هامدة، هذا قبل فرحها بأيام، تابعونا لمعرفة التفاصيل الكاملة في وفاة فتاة المنوفية:
واقعة غامضة ..تفاصيلها غريبة..زوايا مختلفة ..خلت جمهور السوشيال ميديا مصدوم ،حيران،بيضرب كف على كف ومش فاهم وبيسأل حصل إيه فى المنوفية! إزاى البنت دى فارقت الحياة! ومين كان السبب صاحبتها ولا أخوها! حصل إيه يخليهم يعملوا كده فيها! تفاصيل كتير هتعرفها لأول مرة فى واقعة فتاة المنوفية !
دخلوا فى مشادة كلامية مع بعض ..كلمة منها على كلمة من أخو صحبتها ،خلص عليها باللى كان قدامه..خلص عليها بالإيشارب..كتم نفسها وفى لحظتها فارقت الحياة! قومت كتير وزقته عنها كتير ،لكن هو صمم ينهى حياتها!
كل الحكاية إن إنتشرت الأخيار الساعات اللى فاتت وحسب ما نشر موقع القاهرة 24 .زإن بنت راحت تزور صحبتها فى بيتها فى المنوفية وتحديدا فى مدينة السادات فى المنطقة الأولى بمشروع إبنى بيتك،
اللواء حازم سامي مدير أمن المنوفية، تلقى إخطارا من العقيد نضال المغربي مأمور مركز شرطة السادات، يفيد إن فى بنت فارقت الحياة ،لكن مكانش فى تفاصيل لحد ما إتنقلت الشرطة لمكان الواقعة ولاقوا اللى كشف السر!
الشرطة دخلت لاقيت البنت اللى إسمها “نعمة أحمد” وعندها 26 سنة،مرمية على الأرض،وفى رقبتها علامات وأثار محاولة التخلص منها ..وجنبها الإيشارب اللى أخو صحبتها إستخدمه علشان ينهى حياتها!
أخو صحبتها عمل عملته دى وهرب! فص ملح وداب..ولما الأهالى أكتشفوا الواقعة بلغوا الشرطة ..بس على مين الواد ده إتجاب وتم القبض عليهم والتحقيق معاه وإسمه”و- م-ع”وعنده 25 سنة ..
طبعا حررت القوة الأمنية محضرا بالواقعة ،وده بعد سماع أقوال أسرة الجانى ونقل الجثمان إلى المستشفى لاستكمال الإجراءات القانونية والطبية اللازمة،وتم إخطار جهات التحقيق لمباشرة التحقيقات في الواقعة..
الغريب لما تم التحقيق وإستجواب والداته..حصل اللى بيحصل فى أى واقعة..علقت أرتكابه للواقعة على شماعة إنه مريض نفسي وبيتعالج! قالت إبنى بيتعالج من إضطراب مزاجى! وإن فى بين بنتها وبين المجنى عليها نعمة علاقة صداقة لإن كلهم أصلهم من البحيرة!
جايز يكون مريض نفسي فعلا،وجايز تكون ده تأليف من الأسرة علشان يطلع زى الشعرة من العجينة وينقذوه من عشماوى ..لإن العقوبة للفعل اللى عمله هى عشماوى..وده اللى بينص عليه قانون العقوبات وممكن تبقى حبس مشدد وده حسب رؤية المحكمة والتحديات وأوراق القضية!
الحقيقة إن مفيش حد يعرف السبب الحقيقى اللى خلى أخو صحبتها يعمل كده فيها ..كل اللى إتقال مشادة بينهم..طيب ياترى إيه سبب المشادة دى ..الحقيقة يقال إنها كانت رايحة تصلح بين صحبتها وبين أهلها بسبب خلاف بينهم ..لكن الخلاف إتقلب مع المجنى عليها وفارقت الحياة.
الناس بتسأل فين صحبتها وأسرتها .هل كانوا موجودين وقت الواقعة؟إزاى مدافعوش عنها ومنعوه!الحقيقة ظروف الواقعة غامضة ومفيش تفاصيل أكتر من دى ..لكن بعد التحقيقات أكيد هتعرف اللى حصل وهنلاقى إجابات لكل سؤال بيدور فى دماغنا!
سبحان الله كانت رايحة تعمل خير ..ودى كانت أخرتها..ملحفتش تفرح بجوزاها اللى كان بعد كام يوم..وكل اللى جهزت ليه مفرحتش به للأسف.
وده يخلى الناس تقول وأنا مالى أخوات وأهل فى بعض أدخل نفسي ليه..الوقائع دى اللى بتخلى الناس متعملش الخير لبعض ولا يقفوا مع بعض ولا إنتوا رأيكوا إيه؟ ربنا يرحمها ويصبر أهلها ويلهم خطيبها الصبر والسلوان.
