متصله تصدم مذيعة النهار بمكالمتها، حيث أن المتصلة فاجأت مذيعة قناة النهار، من خلال برنامج “بكرا أحلى”، المذاع عبر فضائية النهار، بعد اعترافها بخيانة زوجها، واحتد النقاش بينهما، بعد أن أثارت حفيظة الإعلامية بسبب حديث المتصلة.
وقالت المتصلة خلال المداخلة الهاتفية: “أنا متجوزة بقالي 3 سنين، وفي الفترة دي ظهر شخص في حياتي، هو قريب جوزي، وهو شخص مهتم بحياته وشغله وأولاده، ومراته مش مخلياه محتاج حاجة، بس هو برضو عايزني في حياته».
وأضافت المتصلة: “الشخص دي هو قريب جوزي، و ساعات بيجي عندنا البيت، ولما بيجي بيبقى عايز يقعد معايا كتير جدًا، ويقرب مني، ويضحك معايا ويتكلم وساعات أنا وهو نخرج سوا، وجوزي مايعرفش أي حاجة عن الموضوع ده”.
وتابعت: “المشكلة إن أنا بجاري الشخص ده ومش متضايق من اللي بيعمله بالعكس، وجوزي مش بيعرف يداعبني ولا بيعرف في الملاطفة، ومابيعرفنيش غير ساعة النوم بس”.
واستطردت: “أنا مكنتش عايزة أتجوز الشخص ده بس أنا والدتي تعبانة وأبويا ميت فحبيت أتجوز وأطمنهم عليا قبل ما يجرالهم حاجة، والمشكلة إن أنا متعلمة لكن جوزي مش متعلم، ومابيعرفش يعمل معايا حاجات بحبها، وعشان كده برتاح أكتر مع قريب جوزي”.
